پر اولسون فرید، وزیر همکاری توسعه بین‌المللی سویدن روز شنبه، ۱ عقرب هشدار داد که افغانستان به سرعت به سوی فروپاشی اقتصادی و خطر بروز بحران سیاسی جدید پیش می‌رود. او هشدار داد که سقوط اقتصادی زمینه را برای رشد گروه‌های تروریستی مهیا می‌کند.

او به رویترز گفته است: «نگرانی من این است که افغانستان در لبه پرتگاه قرار گرفته و فروپاشی سریعتر از آنچه انتظار می‌رفت، رخ می‌دهد».

فرید گفت که سویدن کوشش می‌کند تا از طریق نهادهای جامعه مدنی افغانستان، نیازمندی‌های اولیه مردم را تامین کند. او تاکید کرد که کشورش پول پروژه‌های توسعه‌ای افغانستان را به طالبان نمی‌دهد.