معاون فرستاده سازمان ملل برای افغانستان، روز یک‌شنبه به دوشنبه، پایتخت تاجیکستان رفت.

دفتر معاونت سازمان ملل، یوناما می‌گوید مارکس پوتزل این هفته در سفرش به تاجیکستان و اوزبیکستان، درباره کمک و همکاری‌های منطقه‌ای به افغانستان و مردم این کشور، گفتگو خواهد کرد.

این سفر معاون نماینده سازمان ملل در حالی صورت می‌گیرد که کشورهای منطقه از جمله همسایه‌های افغانستان، نگران امنیت‌شان از خاک افغانستان‌اند.

کشورهای منطقه به این باورند که با به قدرت رسیدن طالبان، فعالیت گروه‌های تروریستی در افغانستان بیشتر شده است.

طالبان اما می‌گوید که اجازه استفاده از خاک افغانستان بر ضد هیچ کشوری را نمی‌دهد.