واشنګټن ډي سي کې د ممکنه نارامۍ د مخنیوي لپاره کلک امنیتي تدبیرونه نیول شوي
د امریکا متحده ایالتونو د سیاست مرکز واشنګټن ډي سي کې د ټاکنو په ورځ یا تر هغه وروسته د ممکنه نارامۍ د مخنیوي لپاره امنیتي تدبیرونه ډېر شوي دي.
د امریکا متحده ایالتونو د سیاست مرکز واشنګټن ډي سي کې د ټاکنو په ورځ یا تر هغه وروسته د ممکنه نارامۍ د مخنیوي لپاره امنیتي تدبیرونه ډېر شوي دي.
په دغه ښار کې د ډېری سوداګریزو مرکزونو او پلورنځیو کړکړۍ او ننوتلارو کې تختې لګول شوې دي.
ور سره د ملي ګارډ سلګونه سرتېري په پلازمېنه واشنګټن ډي سي او ځینې نورو ایالتونو لکه الاباما، اریزونا، دلاور، ایووا، ایلینوی، شمالي کارولینا او نوې مکسیکو کې تیارسي شوي دي.
د رویټرز خبري اژانس د راپور له مخې، دوه چینايي وګړي نن د کراچۍ ښار د جامو په یوه سوداګریز مرکز کې د یو امنیتي ساتونکي په ډزو ټپیان شول. په پاکستان کې پر چینايي وګړو د وروستیو بریدونو په لړ کې بېجینګ د خپلو وګړو لپاره د امنیت غوښتنه کړې ده.
له پيښې وروسته د کراچۍ صعنتي سیمه د پاکستاني پولیسو له خو کلابند شوې ده.
تر دې دمه د برید پړه کومې وسلوالې ډلې په غاړه نه ده اخیستې او نه هم پاکستاني چارواکو د برید په اړه جزییات ورکړي دي.
د پاکستاني پولیسو یوه لوړ پوړي مشر فیضان علي رویټرز ته وویل: چې پر چینایي وګړو ډزې شوې، خو نور جزییات یې ورنه کړل.
یوه پاکستاني پولیسو چاروکي د نوم د نه ښودلو په شرط رویټرز ته وویل، چې ډرې د یوه امنیتي ساتونکي له خوا شوې دي.
د طالبانو مشر د پکتیکا ولایت لپاره د دې ډلې مخکینی امنیه قوماندان د ننګرهار ولایت د پوهنې د نوي رییس په توګه ټاکلی دی.
د دې ډلې مشر په خپل تازه حکم کې په اتو پوسټونو کې تغییرات راوستي، خو د ننګرهار ولایت د پوهنې ریاست ته یې د پکتیکا مخکینی امنیه قوماندان محمد شریف حلیم د نوي رییس په توګه معرفي کړی.
په نویو ټاکنو کې د پروان ولایت مخکینی والي مولوي قدرت ﷲ امیني د دې ډلې د کورنیو چارو وزارت د امنیتي سلاکار په توګه او د یاد وزارت مخکینی امنیتي سلاکار مولوي محمد ابوالوفا عثماني، د پروان ولایت د مرستیال په توګه ټاکل شوي دي.
دغه راز د مولوي هبت الله اخوندزاده په دغه حکم کې د طالبانو یو شمېر نور چارواکي هم له یوه پوسټ نه بل هغه ته بدل شوي، خو نوې څېرې پکې نه ترسترګو کیږي.
د شنونکو په باور، طالبان د ملکي او نظامي برخو ترمنځ پر تفکیک قایل نه دي او وړتیا او ظرفیت د افرادو په «جهادي مخینه» کې لټوي.
د طالبانو مشرانو له دې وړاندې ویلي، چې د حکومتي څوکیو لپاره هغو کسانو ته لومړیتوب ور کوي، چې لږترلږه اووه کاله له دوی سره د جګړو په لیکو کې همکار پاتې شوي وي.
ددې ډلې د تصفیې پر کمیسیون هم ګڼ طالبان نیوکې کوي او ځینو د اعتراض په ډول د تصفیې پاڼې سوځولې دي.
نړیوالو سازمانونو په خپلو رپوټونو کې په تکرار د طالبانو حکومت د افغانستان له مسلکي کدرونو سره په تبعیض تورن کړی.
د پښتونخوا سوات په کبل سیمه کې د ۱۳ کلیو ګډې جرګې، پاکستاني پوځ ته د پوستو جوړولو لپاره د ځمکو له ورکړې انکار کړی او پرېکړه یې کړې، چې د پوځ له خوا پخوانۍ ترې نیول شوې ځمکې به هم بېرته ترې نیسي.
د پاکستاني رسنۍ د راپور له مخې، دغې ګډې جرګې دا پرېکړه هم کړې چې که د سیمې کوم اوسېدونکي پاکستاني پوځ ته د پوځي مرکزونو د جوړېدو لپاره ځمکه ورکړه نو د جرګې د پرېکړې له مخې به له سوات څخه شړل کیږي.
د سوات په کبل کې تېره ورځ دوشنبه د (لړم ۱۴مه) د ۱۳ کلیو قومي مشران سره جرګه شوي وو او د پاکستان پوځ ته یې په یوه خوله د ځمکې له ورکړې انکار کړی او پرېکړه یې کړې، چې د دوی په پلرنۍ ځمکه کې هیچاته اجازه نه ورکوي چې لاندې یې کړي.
د جرګې ګډونوالو د پرېکړې پر مهال ویلي، چې په تېر کې هم پاکستاني پوځ د دوی ځمکې استملاک کړې وې او ورسره په شوې هوکړه کې یې هغوی ته خپلې پیسې نه وې ورکړې.
د سيمې مشرانو يادونه وکړه چې څو کاله وړاندې حکومت ترې شاوخوا شپږ زره کناله ځمکه اخېستې وه چې حکومت ورته د في مربع فوټ په بدل کې يواځې 250 کلدارې معاوضه ورکړې وه.
دوی وویل چې هغه نرخ د بازار له نرخه خورا ټیټ و، کوم چې د استوګنې ځمکو لپاره شاوخوا ۱۷۰۰ کلدارې في مربع فوټ او د سوداګریزو سیمو لپاره هر مربع فوټ ۲۵۰۰۰ کلدارې و.
د سوات کبل سیمې اوسیدونکو په یوه خوله ویلي چې که حکومت او پوځ ترې د دوی ځمکې په زور غصبوي نو دوی به کلک مقاومت ورسره وکړي.
د سوات د کبل سیمې اوسیدونکو داسې مهال پاکستاني پوځ ته د ځمکو له ورکړې انکار کړی چې د اکتوبر په ۱۳مه په خیبر کې د پښتنو قومي جرګې په ګډه پرېکړه کې ټي ټي پي او پاکستاني پوځیانو ته دوه میاشتې وخت ورکړ، چې د پښتنو له خاورې ووځي او که نه، دوی به بیا بله پرېکړه اعلان کوي.
الجزیري راپور ورکړی، چې په غزه کې د اسراییل په بریدونو کې د کمېدو نښې نه ښکاري او لا هم د غزې په تړانګه کې د اسراییل د هوايي او ځمکنیو ځواکونو لهخوا د استوګنې پر ودانیو وژونکي بریدونه دوام لري.
دغې خبري شبکې د سې شنبې په ورځ راپور ورکړی، چې په تېرو ۲۴ ساعتونو کې د اسراییلي ځواکونو په بریدونو کې ۷۰ تنه ملکي فلسطینیان وژل شوي دي.
د راپور له مخې، په تېرو ۲۴ ساعتونو کې د غزې په شمال کې د بیت الاهیه پر ښارګوټي د اسراییل د پرله پسې بریدونو له امله د ملکي وګړو د مرګ ژوبلې کچه مخ پر زیاتېدو ده.
د معلوماتو له مخې، د بیت الاهیه ښارګوتي په بریدونو کې ۲۰ فلسطینیان وژل شوي او لا هم یو شمېر کسان تر خاورو لاندې بند پاتې دي.
راپور کې ویل شوي، چې د غزې په شمال کې بشري وضعیت د اسراییل له لوري د یوې میاشتینۍ کلابندۍ له امله ډېر خراب دی او په سیمه کې خلک د لومړنیو اړتیا وړ توکو له کمښت سره لاس او ګرېوان دي.
همدارنګه په دغه راپور کې ویل شوي، چې د غزې په مرکزي او سویلي برخو کې د بېځایه شویو پر خېمو د اسراییل په بریدونو کې هم لږ تر لږه ۹ تنه فلسطینیان وژل شوي دي.
د الجزیرې په راپور کې د روغتیايي سرچینو په حواله ویل شوي، چې په تېرو ۲۴ ساعتونو کې د اسراییل په بریدونو کې د غزې په تړانګه کې لږ ترلږه ۷۰ فلسطینیان وژل شوي دي.
د امریکا ولسمشریزو ټاکنو ته د رایې اچونې له پیلېدو مخکې ډونالډ ټرمپ ادعا کړې، چې د ټاکنو د ګټلو ۹۵ سلنه چانس لري.
د جمهوري غوښتونکو نوماند دونالډ ټرمپ په مېشیګن ایالت کې یوې ټاکنیزې غونډې ته په وینا کې وویل، د ولسمشرۍ ټاکنو د ګټلو ۹۵ سلنه چانس لري.
هغه وویل:« بریا ممکنه ده؛ که موږ ټول رایه ورکړو او که زه ټاکنې وګټم نو امریکا به نویو لوړو پوړیو ته ورسوم.»
هغه په خپله وینا کې ویلي، چې انفلاسیون به پای ته ورسوي او د انرژۍ پر صنعت د تمرکز سره به د موټرو د تولید صنعت بیا راژوندي کړي.
