پاکستان خپلو وګړو ته ایران ته د غیر ضروري سفرونو د نه کولو سپارښتنه وکړه

AP ۱۴۰۴ مرغومی ۲۰ ۰۸:۲۷ GMT

د پاکستان د بهرنیو چارو وزارت د ایران په بېلابېلو ښارونو کې د روانو پراخو لاریونونو له امله خپلو وګړو ته خبرداری ورکړی چې تر بلې خبرتیا پورې دې ایران ته له غیر ضروري سفرونو ډډه وکړي.

د پاکستان د بهرنیو چارو وزارت د یوې رسمي خبرپاڼې په خپرولو سره ویلي، د اوسني امنیتي وضعیت او پراخو اعتراضونو له امله، د خپلو اتباعو د خوندیتوب لپاره لازم ګڼل کېږي چې ایران ته غیر ضروري سفرونه وځنډول شي.

د پاکستان حکومت ویلي، په ایران کې وضعیت له نږدې څاري او د اړتیا په صورت کې به خپلو وګړو ته نورې سپارښتنې هم وړاندې کړي.

•

سره له پراخو محدودیتونو؛طالبانو څلورو ولایتونو کې د ښځو اړوند د ۹حقوقي قضیو د حل خبر ورکړی

AP ۱۴۰۴ مرغومی ۲۰ ۰۷:۴۴ GMT

د طالبانو د امر بالمعروف او شکایتونو اورېدلو وزارت ویلي چې د دوی محتسبینو په خوست، فاریاب، تخار او غزني ولایتونو کې ۹مېرمنې له هغو ستونزو ژغورلې دي چې د ناوړه دودونو له امله ورسره مخ وې او په وینا یې له خپلو حقونو بې‌برخې شوې وې.

نن شنبه د (مرغومي ۲۰مه) د یاد وزارت خبرپاڼه کې راغلي چې د مېرمنو د شرعي حقونو د ورکړې لپاره ژمن دي او هېڅ چاته به اجازه ورنه کړي چې دا حقونه تر پښو لاندې کړي.

دا په داسې حال کې ده چې د طالبانو له بیا واکمنېدو وروسته، په هېواد کې د ښځو لپاره هېڅ رسمي دولتي اداره فعاله نه ده او ښځې له ټولنیزو، کاري او مدني فعالیتونو تر څنګ همداراز له ګڼو بنسټیزو حقونو محرومې دي. سره له دې پراخو محدودیتونو، طالبان بیا هم ادعا کوي چې د ښځو اړوند مسایل یې حل کړې دي.

دغه وزارت تیر اونیز راپور کې هم ویلي وو چې په یوه اوونۍ کې یې د ښځو اړوند ۱۲۰قضیې حل کړې دي.

په مشهد کې امنیتي ځواکونو پر لاریونکوونکو ډزې کړي

AP ۱۴۰۴ مرغومی ۲۰ ۰۷:۱۶ GMT

د ایران د مشهد ښار په لاریونکوونکو امنیتي ځواکونو ډزې کړې، چې د خلکو د زیانمنېدو راپورونه او ویډیوګانې یې خپرې شوې دي.

په خپرو شویو ویډیوګانو کې ښکاري چې د جمعې په ماښام امنیتي ځواکونه په مشهد کې پر لاریونکوونکو ډزې کړي. په یوه ویډیو کې د خلکو لاسونو کې یو ټپي لیدل کېږي، چې د شاهدانو په وینا د ډزو له امله ژوبل شوی دی.

دا پېښه د ایران د مظاهرو په دوام کې د تاوتریخوالي د زیاتوالي نښه بلل کېږي، چې خلک د خپل حق غوښتنې په موخه د حکومت پر وړاندې سړکونو ته راوځي.

طالبانو د لوګر په پنځو ولسوالیو کې ۲۷ځایونه د تاریخي سیمو په توګه ثبت کړي

AP ۱۴۰۴ مرغومی ۲۰ ۰۷:۰۱ GMT

د طالبانو د اطلاعاتو او کلتور وزارت خبر ورکړی چې د لوګر ولایت په مرکز پل‌عالم، څرخ، برکي‌برک، خروار او ازره ولسوالیو کې ۲۷ تاریخي سیمې له پېژندنې وروسته ثبت کړې دي.

د یاد وزارت په وینا، دغه تاریخي سیمې د دغه وزارت د لرغون‌پېژندنې ریاست د یوه مسلکي پلاوي له لوري د ترسره شوې سروې په پایله کې تشخیص او ثبت شوې دي. د معلوماتو له مخې، د لرغون‌پېژندنې دغه پلاوي د یادو ولسوالیو په بېلابېلو سیمو کې د تاریخي آثارو ارزونه کړې او د ثبت بهیر یې بشپړ کړی دی.

طالبانو د دغو تاریخي سیمو ثبت د فرهنګي میراثونو د ساتنې او د تاریخي ارزښتونو د خوندي کولو په برخه کې مهم ګام بللی.

مسکو ټینګار کړی چې له ونزوېلا سره به خپلو سټراتېژیکو همکاریو ته دوام ورکړي

AP ۱۴۰۴ مرغومی ۲۰ ۰۶:۵۴ GMT

په ونزوېلا کې د روسیې سفیر ملیک باګداساروف ویلي، مسکو او کاراکاس به په ټولو برخو کې خپلې سټراتېژیکې همکارۍ په بشپړ ډول وساتي. نوموړي همداراز خبر ورکړی چې د ونزوېلا د بهرنیو چارو له وزیر ایوان ګیل پینتو سره یې لیدنه کړې او له روسیې سره د همکاریو د دوام په اړه یې خبرې کړې دي.

دغه روسي ډیپلومات یادونه کړې چې د روسیې او ونزوېلا ترمنځ د سټراتېژیک مشارکت او همکاریو بین‌الدولتي تړون په ۲۰۲۵ کال کې نافذ شوی دی.هغه د دغه تړون په یادولو سره ټینګار کړی چې دا ګام فرصت‌طلبانه نه و او زموږ سټراتېژیک ګډون به په ټولو برخو کې دوام ولري.

د روسیې سفیر زیاته کړې چې د مسکو او کاراکاس ترمنځ اړیکې «حتی د یوې دقیقې لپاره هم نه دي پرې شوې» او د ونزوېلا لوري روسیه د امریکا د برید او د نیکولاس مادورو او د هغه د مېرمنې د وضعیت له جزییاتو خبره کړې ده.

ملیک باګداساروف وایي چې په وروستیو ورځو کې یې یو شمېر نورې مهمې لیدنې هم کړې دي، په ځانګړي ډول د ونزوېلا له موقتي ولسمشرې دلسی رودریګز او د دوه‌اړخیزو همکاریو د راتلونکي په اړه یې هم ورسره بحثونه کړي دي.

دغه څرګندونې په داسې حال کې شوي چې متحده ایالاتو اعلان کړی، د امریکا د ولسمشر ډونالد ټرمپ د پالیسۍ په چوکاټ کې د تېلو د بهیر د کنټرول او د ونزوېلا د تېلو د صادراتو د بندولو لپاره، د روسیې تر بیرغ لاندې او له ونزوېلا سره تړلی یو نفت‌وړونکی بېړۍ یې نیولې ده.

دا په وروستیو اوونیو کې د ونزوېلا سره د تړاو لرونکو بېړیو د نیولو څلورمه پېښه بلل کېږي.

دغه بدلونونه په داسې شرایطو کې رامنځته شوي چې د نړۍ په بازارونو کې د خامو تېلو بیې راټیټې شوې دي چې چین، روسیې او د ونزوېلا چپ‌پال متحدینو د امریکا دغه اقدام غندلی دی.

تېره ورځ له ایران او پاکستان نه نږدې ۳زره کډوال افغانستان ته ستانه شوي

AP ۱۴۰۴ مرغومی ۲۰ ۰۶:۳۰ GMT

د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ جمعه (د مرغومي ۱۹مه) ۵۰۴ کورنۍ چې ټولټال ۲۷۳۷کسان کېږي؛ له ایران او پاکستان نه افغانستان ته ستنې شوې دي.

د دغه کمېسیون د راپور له مخې؛ دغه کډوال د ننګرهار د تورخم، د کندهار د سپین بولدک، د هرات د اسلام‌کلا او د نیمروز د ورېښمو پله له لارې ستانه شوي دي. راپور زیاتوي، د یادو کورنیو له ډلې ۴۴۴کورنۍ چې شمیر یې ۲۴۷۷تنه وه د تورخم له لارې، ۲۷کورنۍ چې شمیر یې ۱۴۱تنه وه د سپین بولدک له لارې، ۲۴کورنۍ چې شمیر یې ۹۰تنه وه د ورېښمو پله له لارې او ۹ کورنۍ چې شمیر یې ۲۹تنه کیږي د اسلام‌کلا له لارې افغانستان ته ستنې شوې دي.

دا په داسې حال ده چې د طالبانو د کډوالو او بېرته راستنېدونکو چارو وزارت خبر ورکړی چې په تېره لړم میاشت کې له پاکستان نه ۱۲۴زره او ۸۹۸کډوال افغانستان ته ستانه شوي دي.

•

پاکستان خپلو وګړو ته ایران ته د غیر ضروري سفرونو د نه کولو سپارښتنه وکړه

شهباز شریف: افغانستان باید پرېکړه وکړي چې سوله‌ییز ژوند غواړي که نه

سراج الدین حقاني: په پاکستان کې هم غواړو چې اسلامي وروري او امن راشي

د افغانستان ۵۱ کلنه جګړه؛ د جګړو او وژنو شپږ ځله بدل شوی روایت

لاوروف: بریتانیا نور باید «لویه بریتانیا» ونه بلل شي

طالبان د روسیې د تاتارستان د ولسمشر په نامه د کابل د یوه سړک پر نومولو غور کوي

سره له پراخو محدودیتونو؛طالبانو څلورو ولایتونو کې د ښځو اړوند د ۹حقوقي قضیو د حل خبر ورکړی

په مشهد کې امنیتي ځواکونو پر لاریونکوونکو ډزې کړي

طالبانو د لوګر په پنځو ولسوالیو کې ۲۷ځایونه د تاریخي سیمو په توګه ثبت کړي

مسکو ټینګار کړی چې له ونزوېلا سره به خپلو سټراتېژیکو همکاریو ته دوام ورکړي

تېره ورځ له ایران او پاکستان نه نږدې ۳زره کډوال افغانستان ته ستانه شوي

سره له پراخو محدودیتونو؛طالبانو څلورو ولایتونو کې د ښځو اړوند د ۹حقوقي قضیو د حل خبر ورکړی

په مشهد کې امنیتي ځواکونو پر لاریونکوونکو ډزې کړي

طالبانو د لوګر په پنځو ولسوالیو کې ۲۷ځایونه د تاریخي سیمو په توګه ثبت کړي

مسکو ټینګار کړی چې له ونزوېلا سره به خپلو سټراتېژیکو همکاریو ته دوام ورکړي

تېره ورځ له ایران او پاکستان نه نږدې ۳زره کډوال افغانستان ته ستانه شوي

ترویج لرونکی

شهباز شریف: افغانستان باید پرېکړه وکړي چې سوله‌ییز ژوند غواړي که نه

سراج الدین حقاني: په پاکستان کې هم غواړو چې اسلامي وروري او امن راشي

د افغانستان ۵۱ کلنه جګړه؛ د جګړو او وژنو شپږ ځله بدل شوی روایت

لاوروف: بریتانیا نور باید «لویه بریتانیا» ونه بلل شي

طالبان د روسیې د تاتارستان د ولسمشر په نامه د کابل د یوه سړک پر نومولو غور کوي