د پخواني ولسمشر محمد اشرف غني ورور، حشمت غني، وایي که امریکا ګرینلنډ تر خپل واک لاندې راولي او په ایران کې اوسنی حکومت نسکور کړي، نو دا به نور ستر هېوادونه وهڅوي چې پر نورو هېوادونو یرغلونه وکړي؛ چین به پر تایوان ونیسي او روسیه به د اوکراین نیول شوې سیمې وساتي.
حشمت غني په خپل ایکس پوسټ کې ویلي، چې په داسې سناریو کې به چین د تایوان د نیولو پر لور ګام واخلي، روسیه به د اوکراین نیول شوې برخې وساتي او ښايي د نورو هېوادونو د خاورې د نیولو هڅه هم وکړي. د هغه په وینا، دا وضعیت کولی شي نړیوال نظام د زور پر بنسټ د نفوذ د پراخېدو پر لور یوسي.
هغه ټینګار کړی چې د لویو قدرتونو لهخوا د سرحدونو او نظامونو بدلون، د نړیوالو اصولو او قوانینو د کمزوري کېدو لامل ګرځي او پایله به یې د نړیوالې بېثباتۍ زیاتوالی وي.
