• العربية
  • فارسی
  • English
BrandBrand
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
  • پوښ
  • ژبه
    • العربية
    • فارسی
    • English
  • پروګرامونه
  • افغانستان
  • نړۍ
  • ښځې
  • کلتور او ټولنه
  • معلومات او ټېکنالوژي
  • سپورت
د دې وېبپاڼې ټول قانوني حقونه د وولنټ میډیا دي
volant media logo

نبیل: تاجکستان ته د پاکستاني چارواکو سفر او سیمه ییز بدلونونه هیجان نه، بلکې د خطر زنګ دی

۲۱ چنگاښ ۱۴۰۳ - ۱۱ جولای ۲۰۲۴، ۱۷:۴۹ GMT+۱

د افغانستان د ملي امنیت پخوانی مشر وایي، چې تاجکستان ته د پاکستاني چارواکو سفر او د سیمې بدلونونه هیجان نه، بلکې د خطر زنګ دی. رحمت الله نبیل وایي، چې د پاکستان ستونزه د افغانستان له اشخاصو، قومونو او رژیمونو سره نه، بلکې د دې هېواد ستونزه د افغانستان په نامه له جغرافیې سره ده.

ښاغلي نبیل دغه څرګندونې تر هغه وروسته کړي، چې د پاکستان لومړی وزیر شهباز شریف د روانې میاشتې په دولسمه نېټه په دوه ورځني رسمي سفر تاجکستان ته ولاړ.
نوموړي د تاجکستان له ولسمشر امام علي رحمن سره په ګډه خبري ناسته کې ویلي، چې دواړه هېوادونه د ترهګرۍ قربانیان دي.
جیو نیوز د شهباز شریف له قوله ویلي، چې پاکستان د ۲۰۱۷ کال راهیسې هڅه کوي، چې د ترهګرۍ جرړې وباسي او په دې برخه کې یې ستره بیه هم پرې کړې؛ خو د نوموړي په وینا لا هم ترهګري په سیمه کې مخ په ډېرېدو ده.
اوس رحمت الله نبیل په خپله نوې لیکنه کې ویلي، چې له افغانستان سره د پاکستان مساله یوازې د ډېورنډ فرضي کرښه نه ده، بلکې پاکستان د هندوکش له اقتدار او د امو له صلابت سره هم ستونزه لري.
نوموړی چې د افغانستان او پاکستان ترمنځ ستونزې جغرافیایي مساله یادوي همداراز وایي: «مونږ باید غافلګیر نه شو او نه باید د پاکستان د حنجرې وسیله وګرځو.»
د افغانستان د ملي امنیت پخوانی مشر وایي، چې پټې ناستې، ژمنې او د چترال په شان ځایونو کې د دفترونو پرانیستل تکراري تګلارې دي.
رحمت الله نبیل ټینګار کوي: «اوس د افغانانو د اتحاد، د یو بل منل او د یو بل ترڅنګ د درېدو وخت دی، نه د بې اتفاقۍ.»
پاکستان چې له لسیزو راهیسې په سیمه کې د ترهګرو د اصلي ځالې په نوم یادېږي وایي، چې پر افغانستان د طالبانو له واکمنېدو وروسته ترهګري زیاته شوې او د دوی مخالفې وسله‌والې ډلې په افغانستان کې مرکزونه او پټنځایونه لري.
خو طالبانو بیا په ځلونو د پاکستاني چارواکو دغه ادعاوې رد کړي دي.
دا په داسې حال کې ده، چې د تاجکستان ولسمشر د پاکستان له لومړي وزیر سره په کتنه کې ویلي، چې نن سبا د منځنۍ اسیا ډېر هېوادونه د افغانستان له خاورې له ترهګریزو ګواښونو سره مخامخ دي.

ډېر لیدل شوي

د غونډې په پلمه؛ مولوي هبت الله د داخلي اختلافاتو د حل او اطاعت منلو لپاره کابل ته تللی
۱

د غونډې په پلمه؛ مولوي هبت الله د داخلي اختلافاتو د حل او اطاعت منلو لپاره کابل ته تللی

۲

بایډن: که اړتیا وي، امریکا بېرته افغانستان ته ستنېدای شي

۳

بایډن خپل کتاب کې: افغانستان په قبایلي سیالۍ کې ډوب دی، هېڅکله به دیموکراسۍ ته ونه رسیږي

۴

په خوست او پکتیا کې یو شمېر سوداګر او بڼوال د ځڼغوزیو د بیو له ټیټوالي شکایت کوي

۵

په امریکا کې لسګونه افغان کډوال پاکستان ته د اېستلو له ګواښ سره مخ دي