د پکتیا په ځاځي اریوب ولسوالۍ کې له ډیورنډ کرښې سره نږدې په سپینه شګه کې د طالبانو او پاکستاني ځواکونو ترمنځ له نیم ساعت راهیسې جګړه روانه ده. سرچینې وايي، پاکستاني ځواکونو غوښتل په دغه سیمه کې پوسته جوړه کړي، خو د طالبانو سرحدي ځواکونه یې خنډ شول او له امله یې جګړه ونښته.
یو شمېر پخوانیو امریکايي چارواکو په یوې نوې څېړنه کې ویلي، چې امریکا باید د افغانستان د جګړې ترخې خاطرې یوې خواته کړي او په افغانستان او پاکستان کې د ترهګرو ډلو پر ضد اقدامات زیات کړي. دوی دا هم ویلي، چې د دې طرحې موخه په افغانستان کې د امریکا راتګ او مداخله نه ده.
د پاکستان تر واک لاندې کشمیر کې د مدني حقونو د ډلو ټلواله وايي؛ اسلام اباد یې غوښتنې منلې دي، ځکه نورې مظاهرې نه کوي.
د جنوبي وزیرستان په تنګي بندینزي کې بېګا ناوخته پر یو کور ډرون برید شوی چې له امله یې د یوې کورنۍ څلور غړي ووژل او یوه جنۍ ټپي شوه. د پاکستان د پارلمان پخواني غړي محسن داوړ دا برید غندلی دی او پوښتلي یې دي: «دا ډرون برید پاکستان کړی که امریکا؟»
د خيبر پښتونخوا په دېره اسماعيل خان کې د پښتون ژغورنې غورځنګ د غړي نذیر افغاني پر کور د نامعلومو وسلهوالو په بريد کې څلور کسان ټپيان شوي دي. د دېره اسماعیل خان ځایي پولیسو د دغې پېښې پخلی کړی او ویلي یې دي، چې نذیر افغاني له خپل ورور او وراره سره په دغه برید کې بچ شوي دي.
افغانستان انټرنشنل ته سرچینې وايي، چې تېره ورځ د پاکستاني او افغان پلاوي ترمنځ د «خرلاچي» لارې د خلاصون په اړه خبرې بې پایلې پایته ورسېدې. دغه سرچینه وایي، همدا تېره ورځ هم د پاکستاني ځواکونو او طالبانو ترمنځ په سیمه کې ډزې شوې دي.
د پاکستان د پوځ د عامه اړیکو دفتر په یوه خبر پاڼه کې ویلي، چې نن یې د فتح دوه په نوم توغندی چې ۴۰۰ کیلومتره لرې واټن ویشتلی شي په «بریالیتوب» سره و ازمویه.
د پاکستان ولسمشر اصف علي زرداري او لومړي وزیر شهباز شریف د بلوچستان په ژوب کې د پاکستان د امنیتي ځواکونو عملیاتو ته په اشاره ویلي، چې د ترهګرۍ پر وړاندې مبارزه د دوی لومړیتوب دی.
د طالبانو د کډوالو او بېرته راستنېدونکو چارو وزارت وایي، چې (د غویي په ۲۵مه نېټه) ۹۵۴ تنه افغان کډوال د تورخم او سپین بولدک له لارو هېواد ته راستانه شوي دي.
د چمن پرلتوال یاده جرګه له هغه وروسته رابولي، چې تېره ورځ یې د بلوچستان د ایالتي چارواکو سره خبرې بې پایلې پای ته ورسېدې. پرلتوال وايي، د چمن جرګه به د پرلت د راتلونکو پلانونو په اړه پرېکړه وکړي.
د طالبانو د کډوالو وزارت پر خپلې اېکس پاڼې لیکلي، چې یاد کسان له درې ورځو تر اتلسو میاشتو پورې د پاکستان په زندانونو کې بندیان وو.
ډان ورځپاڼې پرون سه شنبه د (غويي ۲۵مه) د پاکستان د سوداګرۍ خونې د مشر عاطف اکرم شیخ له قوله لیکلي، چې دمګړۍ پر سوداګریزو توکو بار زرګونه لارۍ د سپین بولدک - چمن تر منځ پر لاره اېسارې دي او له امله یې سوداګرو ته درانه مالي زیانونه اوښتي دي.
د پاکستان پخواني لومړي وزیر عمران خان د مېرمنې بشرا بي بي د پخواني مېړه وکیل وايي، چې خاور مانیکا غوښتل په عدت کې مېرمن بشرا ته رجوع وکړي. خاور مانیکا پر عمران خان او خپله پخوانۍ مېرمن تور لګولی چې د ده او بشرا د طلاق عدت یا ټاکلې نېټه پوره نه وه، چې عمران خان ورسره واده وکړ.
خپل فلمونه او غږونه را ولېږئ