تیم ملی فوتسال افغانستان امروز در یک دیدار تدارکاتی به مصاف تیم ملی فوتسال تاجیکستان رفت. این دیدار در تایلند برگزار شد و افغانستان با نتیجه ٣-٤ تاجیکستان را نیز شکست داد. مهران غلامی، محمد مرادی، مهدی نوروزی و فرزاد محمودی گل‌های افغانستان را وارد دروازه تاجیکستان کردند.
تیم ملی فوتسال افغانستان تا پیش از شروع مسابقات جام آسیایی در تایلند، دو بازی تدارکاتی دیگر با تیم‌های ملی عربستان و چین برگزار خواهد کرد.
پس از پیروزی مقابل تیم ملی فوتسال و تیم باشگاهی چونبوری تایلند، این سومین پیروزی پیاپی ملی‌پوشان فوتسال افغانستان در بازی‌های تدارکاتی است.