توییتر نشانه تایید نهادهای دولتی افغانستان را برداشت

۱۴۰۰/۷/۳

تویتر نشانه تایید را از صفحات نهادهای دولتی افغانستان به شمول صفحه ارگ ریاست جمهوری برداشته است.

به تازگی نشانه تایید از صفحات تویتر شماری از مقامات دولت محمداشرف غنی نیز برداشته شده است.

صفحات وزارت امور خارجه، وزارت امور داخله، وزارت مالیه، مرکز اطلاعات و رسانه‌های حکومت و شماری از مقامات مثل محمدمعصوم استانکزی رییس هیات مذاکره‌کننده صلح، وحید عمر رییس ارتباطات استراتیژیک ریاست جمهوری، صدیق صدیقی سخنگوی پیشین ریاست جمهوری، شاه حسین مرتضوی مشاور فرهنگی ریاست جمهوری و شماری دیگر از نهادهای دولتی و مقامات دولت محمداشرف غنی پس گرفته شده است.
در همین حال، صفحات شماری از نهادهای دولتی به دست طالبان افتاده و محتویات تبلیغاتی این گروه را منتشر می‌کند.

به تازگی صفحه مرکز اطلاعات و رسانه‌های حکومت نشان امارت اسلامی طالبان را در عکس نمایه‌اش گذاشته و محتوای سخنرانی ذبیح‌الله مجاهد، سخنگوی گروه طالبان را منتشر کرده است.

پربیننده‌ترین‌ها