تلویزیون دولتی هالند: طالبان مترجمان افغان را به محکمه جلب کرده‌اند
به گزارش تلویزیون دولتی هالند مترجمان افغانی که با نیروهای این کشور همکاری می‌کردند، از سوی طالبان به محکمه فراخوانده شده‌اند. این رسانه با استناد به یک نامه از سوی طالبان، گزارش داده که در صورت حاضر نشدن مترجم‌ها در محکمه، اعضای خانواده آنها مسئول دانسته می‌شوند.
گفته می‌‌شود این مترجمان زبان هالندی برای برنامه آموزش پولیس «یورو پول» در افغانستان کار می‌کردند.
تلویزیون دولتی هالند می‌گوید که همه شواهد نشان می‌دهند که نامه‌ها با مهر و امضای طالبان از سوی این گروه به ده مترجم فرستاده شده‌اند.