ایالات متحده تاکید کرد که جامعه بین‌الملل در مسئله افغانستان «یک‌صدا» باشد
تام وست، نماینده ویژه ایالات متحده آمریکا در امور صلح افغانستان می‌گوید جامعه بین‌الملل «باید با یک صدا و هدف مشترک» در باره مسئله افغانستان عمل کند. او گفته شرکت‌کنندگان نشست ترویکا می‌خواهند طالبان بر تعهدات‌شان در قبال تروریزم و تشکیل حکومت فراگیر عمل کند.
او همچنین گفته خواست شرکت‌کنندگان نشست ترویکا این است که طالبان از حقوق تمام افغان‌ها به ویژه زنان و دختران حمایت کنند.
نشست ترویکا با اشتراک ایالات متحده، روسیه، چین و پاکستان دیروز در اسلام‌آباد برگزار شد.
