رسانه‌های وابسته به حکومت طالبان امروز خبر دادند که ده‌ها نفر در ولسوالی شلگر ولایت غزنی در یک مدرسه دینی دوره آموزش‌های دینی را تکمیل کردند.

در تصاویری که از این افراد منتشر شده، تعداد زیادی از نوجوانان و جوانان در کنار افراد بزرگسال هم دیده می شود.

با روی کار آمدن دولت طالبان، دوره‌های آموزش دینی در ولایات افزایش داشته. این گروه تاکید به پیاده کرده قوانین جدید در چارچوب اسلام دارد. بر این اساس، در بعضی ولایات حتی کوتاه کردن ریش ممنوع شده است.

مقامات دولت پیشین افغانستان می‌گویند گروه طالبان با استفاده از فقر خانواده‌ها، نو جوانان و کودکان آن‌ها را زیر نام آموزش دینی شستشوی مغزی می‌دهند.