کانادا ۵۶ میلیون دالر به افغانستان کمک می‌کند
وزارت توسعه بین‌المللی کانادا اعلام کرده است که در پاسخ به فراخوان سازمان ملل و کمیته صلیب سرخ، ۵۶ میلیون دالر را به مردم افغانستان در سال جدید میلادی کمک می‌کند. بر اساس اعلامیه این وزارت، کانادا این پول را در اختیار سازمان‌های امدادرسان بین‌المللی قرار می‌دهد.
هرجیت ساجن، وزیر توسعه بین‌المللی کانادا می گوید که میلیون ها نفر در سراسر افغانستان به کمک فوری نیاز دارند.
کانادا از سال ۲۰۱۴ تا کنون حدود ۱۸۰ میلیون دالر به افغانستان کمک بشردوستانه کرده است.
