طالبان روسای صحت عامه ۳۴ ولایت را برکنار کرد

۱۴۰۰/۱۰/۱۱

وزارت صحت عامه طالبان روسای صحت عامه حکومت پیشین در تمام ولایات را برکنار کرد. در مکتوبی که از سوی این وزارت صادر شده و به رسانه‌ها رسیده، آمده است که با تحولات و فتوحات اخیر روسای جدید تعیین شده‌اند.

وزارت صحت عامه طالبان می‌گوید امضاء روسای پیشین، از این پس فاقد اعتبار است.

مقامات طالبان پیش از این گفته بودند تمام کارمندان حکومت پیشین می‌توانند به کار خود ادامه دهند. آنان حتی از کسانی که در کشورهای دیگر هم پناهنده شده‌اند، خواستند به افغانستان برگردند.

هبت‌الله آخندزاده، رهبر طالبان چند روز پیش از اعضای گروه خود خواست کارمندان حکومت پیشین را اذیت نکنند.