منابع محلی در شمال افغانستان می‌گویند که شنبه‌شب مرزبانان تاجیکستان و نیروهای طالبان در مرز مشترک در نزدیکی شیرخان‌بندر به مدت چهار ساعت درگیر شدند.

به گفته‌ این منابع، درگیری پس از تنش لفظی میان نیروهای طالبان با مرزبانان تاجیکستان روی داده و اول طالبان تیراندازی کرده‌اند.

گفته می‌شود که نخست نیروهای طالبان به سوی تاجیکستان تیراندازی کردند و سپس مرزبانان تاجیکستان به نقطه صفر مرزی حمله کردند.‌

بر اساس گفته‌های منابع، محلی در این درگیری دو طرف از سلاح‌های سبک و سنگین کار گرفتند.

این درگیری پس از گفتگوی مقام‌های دو طرف پایان یافته اما طالبان پس از این رویداد نیروی بیشتری به شیرخان‌بندر فرستاده‌اند.

درباره تلفات احتمالی این درگیری گزارشی نرسیده است.

تاکنون طالبان و حکومت تاجیکستان در این مورد ابراز نظری نکرده‌اند.

شیرخان بندر یکی از راه‌های مهم ترانزیتی افغانستان است که این کشور را از راه تاجیکستان به دیگر کشورهای آسیای میانه و چین وصل می‌کند.

افراد طالبان پیش از این چندین بار همراه مرزبان پاکستان و ایران هم درگیر شدند.