طالبان می‌گویند از قاچاق ۵۰ لاری حامل گندم به پاکستان جلوگیری شده است
مقام‌های محلی طالبان در ولایت هلمند می‌گویند که از قاچاق دست‌کم ۵۰ لاری حامل گندم به پاکستان جلوگیری کرده‌اند. به گزارش خبرگزاری باختر، این موتر‌ها روز دوشنبه، ۹جوزا، در ولسوالی واشیر هلمند بارگیری شده و در شاهراه هرات - قندهار، در حال حرکت به سوی پاکستان ضبط شده است.
طالبان پیش از این اعلام کرده بودند که وزارت مالیه این گروه به همه گمرک‌های افغانستان دستور داده تا از قاچاق گندم جلوگیری شود.
