نمایندگان اوزبیکستان و سازمان بین‌المللی مهاجرت در مورد افغانستان گفت‌وگو کردند
عصمت‌الله ایرگاشیف، نماینده رئیس‌جمهور اوزبیکستان در امور افغانستان و زینال گاجی‌یف، هماهنگ‌کننده منطقه‌ای سازمان بین‌المللی مهاجرت، در تاشکند دیدار کردند. وزارت خارجه اوزبیکستان گفته که طرفین در این دیدار چشم‌انداز همکاری از جمله در مسائل افغانستان را مورد بررسی قرار دادند.
در خبرنامه آمده است که گاجی‌یف در این دیدار بر نقش اوزبیکستان در برقراری صلح بلندمدت و پایدار در افغانستان تاکید کرده است.
گفته شده عصمت‌الله ایرگاشیف نیز گزارشاتی را در مورد تلاش‌های اوزبیکستان برای کمک‌های بشردوستانه به مردم افغانستان ارائه کرده است.
سازمان بین‌المللی مهاجرت در افغانستان حضور فعال دارد و به مهاجرانی که از دیگر کشورها اخراج و به افغانستان بازگردانده می‌شوند کمک می‌کند.
در دیدار روز چهارشنبه نهم حمل، عصمت‌الله ایرگاشیف و زینال گاجی‌یف در مورد کمک‌های اقتصادی اوزبیکستان به سازمان بین‌المللی مهاجرت هم صحبت شد.
سازمان بین‌المللی مهاجرت می‌گوید که مهاجرانی که به افغانستان باز می‌گردند، از آسیب‌پذیرترین گروه‌ها هستند.