در رقابت‌های قهرمانی فوتبال زیر ۲۰ سال مرکز آسیا، افغانستان در اولین دیدارش ترکمنستان را ۲ - ۱ شکست داد.
این دیدار روز یکشنبه ۳۱ ثور در ورزشگاه زسکا، در دوشنبه پایتخت تاجیکستان برگزار شد.
در این دور از رقابت‌ها، تاجیکستان، ایران و اوزبیکستان حریفان بعدی افغانستان هستند.
مسئولان و تیم نوجوانان کشور با بیرق دولت سابق افغانستان در این مسابقه و نشست خبری مربوط به آن ظاهر شدند.
افغانستان روز دوشنبه ۱ جوزا با تاجیکستان، ۳ جوزا با ایران و ۷ جوزا با اوزبیکستان رقابت خواهد کرد.
بر اساس اعلامیه فدراسیون فوتبال افغانستان، در مسابقات قهرمانی زیر ۲۰ سال مرکز آسیا، محمد اشرف حسن‌زاده و ننگیالی سادات به عنوان داور و کمک داور حضور دارند و قضاوت می‌کنند.