خبرگزاری دولتی تاجیکستان از کشته شدن سه «تروریست» به دست نیروهای امنیتی این کشور در مرز افغانستان خبر داد. کمیته امنیت ملی تاجیکستان گفته این افراد که اعضای گروه «جماعت انصارالله» هستند، از ناحیه مرزی درواز، از افغانستان وارد این کشور شده بودند.
خبرگزاری خاور روز چهارشنبه (۱۵ سنبله) نوشت که اعضای یک سازمان تروریستی بینالمللی در شبهای ۲۹ تا ۳۰ آگست، به منظور انجام اقدامات تروریستی در منطقه کوران ناحیه درواز، وارد خاک تاجیکستان شدند.
طبق این گزارش، این افراد قصد داشتند که در آستانه تجلیل از روز استقلال تاجیکستان، حملات خود را راهاندازی کنند.
خاور به نقل از کمیته امنیت ملی تاجیکستان نوشته که نیروهای امنیتی این کشور، منطقه را محاصره کردند و پس از آنکه «تروریستان» تسلیم نشدند، آنها را از پا درآرودند.
کمیته امنیت ملی تاجیکستان افزود که همراه با این افراد، مقدار زیادی سلاح، مهمات، مواد منفجره و «وسایل ارتباطی برای تامین تروریستها از خاک کشور همسایه منتقل و مخفی شده است.»
خاور نوشته است که پس از انجام تحقیق و بررسی مدارک به دست آمده از جنگجویان، مشخص شد که آنها عضو گروه «جماعت انصارالله» هستند.
طبق گزارش، هر سه نفر اهل تاجیکستان هستند.
پس از به قدرت رسیدن طالبان در افغانستان، این چندمین بار است که نیروهای امنیتی تاجیکستان از کشته تروریستان در نزدیکی مرز افغانستان خبر میدهند.
در ماه ثور امسال نیز کمیته امنیت ملی تاجیکستان اعلام کرد که دو عضو سازمانهای تروریستی بینالمللی که از مرز افغانستان وارد تاجیکستان شده بودند، هدف قرار گرفتند و کشته شدند.
کمیته امنیت ملی تاجیکستان گفته بود که این دو نفر، قصد حملات تروریستی در تاجیکستان را داشتند.
مقامهای تاجیکستان و سایر کشورهای آسیای میانه، بارها از افزایش فعالیتهای تروریستی در افغانستان و سرازیر شدن آنها به این کشورها، ابراز نگرانی کردهاند.
