رقابت‌های بین‌المللی گشتین‌گیری جام نوروز در تاجیکستان برگزار می‌شود

مسابقات بین‌المللی گشتین‌گیری «جام نوروز» با اشتراک ورزشکاران ٣٩ کشور از شانزده تا نوزدهم ماه حوت ١٤٠٢ در شهر دوشنبه تاجیکستان برگزار می‌شود. این مسابقات در پنج وزن مردان و دو وزن رقابت‌های گشتین‌گیری زنان برگزار می‌شود و از افغانستان نیز ٩ ورزشکار در رقابت‌ها حضور دارند.

این دیدارها به نام مسابقات «گشتین‌گیری»، به ابتکار مدیران ورزشی و با حمایت دولت تاجیکستان از سه سال پیش شروع شد که هر ساله برای بزرگ‌داشت از جشن باستانی نوروز برگزار می‌شود.

در این رقابت‌ها هر سال از مسئولان ورزش کشورهای گوناگون دعوت می‌شود. برای ورزشکارانی که روی سکو می‌روند نیز جوایز نقدی از سه تا ده هزار دالر پرداخت می‌شود.