دیوید کمرون در دیدار با امامعلی رحمان، رئیس‌جمهور تاجیکستان در شهر دوشنبه گفت به دنبال «دوران جدید» در روابط بریتانیا با آسیای میانه است.
وزیر خارجه بریتانیا در روزهای آینده به قرقیزستان، اوزبیکستان، ترکمنستان، قزاقستان و مغولستان می‌رود.
این نخستین بار است که یک وزیر خارجه بریتانیا به تاجیکستان سفر می‌کند.
دیوید کمرون روز دوشنبه، سوم ثور، در دیدار با امامعلی رحمان، رئیس‌جمهور تاجیکستان در کاخ ملت در دوشنبه، گفت که ما می‌توانیم در زمینه‌های کلیدی مانند تجارت، تغییرات آب و هوا و مبارزه با تروریسم همکاری کنیم و «کارهای بیشتری انجام دهیم.»
او از اینکه اولین وزیر خارجه بریتانیا است که به دوشنبه سفر می‌کند، ابراز خوشحالی کرد. با این حال خطاب به امامعلی رحمان گفت متاسف است که سفر یک وزیر خارجه از بریتانیا به تاجیکستان «اینقدر طول کشید.»
وزیر خارجه بریتانیا افزود ما می‌خواهیم «عصر جدیدی» را در روابط بریتانیا با آسیای میانه آغاز کنیم و این دوره جدید را از تاجیکستان شروع می‌کنیم.
آقای کمرون گفت او به تاجیکستان سفر کرده تا بگوید «بیایید کارهای بیشتری با همدیگر انجام دهیم.» و «بیایید همکاری‌ها را گسترش دهیم.»
روزنامه بریتانیایی آیریش نیوز در گزارشی نوشته است که قرار است «خودروهای لوکس» وزیر خارجه بریتانیا پس از سفر به چندین کشور آسیای میانه، به مسکو برود.