تیم فوتبال زیر ١٧ سال افغانستان کابل را به مقصد تاجیکستان ترک کرد

تیم فوتبال زیر ١٧ سال افغانستان برای شرکت در رقابت‌های قهرمانی زیر ١٧ سال مرکز آسیا (کافا) کابل را به مقصد تاجیکستان ترک کرد. این مسابقات با حضور تیم‌های افغانستان، ایران، تاجیکستان، اوزبیکستان، ترکمنستان و قرغیزستان از ٢٧ اسد تا سوم سنبله ١٤٠٣ در دوشنبه تاجیکستان برگزار می‌شود.

چندی پیش فدراسیون فوتبال آسیای مرکزی (کافا) اعلام کرد که در رقابت‌های هفده سال کاف، تیم‌ها در دو گروه سه تیمی با یکدیگر رقابت می‌کنند.

کافا گفته بود که برگزاری این رقابت‌ها سکوی خوب برای توسعه تیم‌های فوتبال پایه در منطقه آسیای مرکزی و فرصت مناسب برای کسب آمادگی تیم‌ها پیش از شروع رقابت‌های انتخابی آسیا است.