سفیر جدید اوزبیکستان در افغانستان به کار آغاز کرد
رسانههای اوزبیکستان گزارش دادند که اویبک عثماناف بهعنوان سفیر جدید این کشور در افغانستان کار خود را آغاز کرده است. اویبک عثماناف، ۶۲ ساله، پیش از این سفیر اوزبیکستان در مصر و پاکستان بوده است.
رسانههای اوزبیکستان گزارش دادند که اویبک عثماناف بهعنوان سفیر جدید این کشور در افغانستان کار خود را آغاز کرده است. اویبک عثماناف، ۶۲ ساله، پیش از این سفیر اوزبیکستان در مصر و پاکستان بوده است.
به گزارش خبرگزاریهای اوزبیکستان، این دیپلومات اوزبیک روز یکشنبه، ششم عقرب، وارد کابل شد.
در زندگینامه آقای عثماناف آمده است که او در سالهای ۲۰۱۱ تا ۲۰۱۲ معاون وزیر خارجه وقت اوزبیکستان بوده است.
سفیر پیشین اوزبیکستان در افغانستان یادگار خواجه شادمانوف بود که در ماه سنبله امسال پس از ۱۲ سال پایان مأموریت خود در افغانستان را اعلام کرد.
هرچند اوزبیکستان مانند سایر کشورها حکومت طالبان را به رسمیت نمیشناسد، اما روابط نزدیکی با این گروه برقرار کرده است. مقامهای طالبان و اوزبیکستان طی سه سال حکومت طالبان بارها از یکدیگر پذیرایی کردهاند.
