تیم ملی فوتبال افغانستان در نخستین دیدار مسابقات سه‌جانبه تاجیکستان ٠-٢ مقابل نیپال شکست خورد. این بازی که در ورزشگاه مرکزی شهر دوشنبه تاجیکستان برگزار شد، در نیمه اول بدون گل مساوی به پایان رسید؛ اما در نیمه دوم تیم نیپال دو بار دروازه افغانستان را باز کرد و برنده این مسابقه شد.
این نخستین دیدار افغانستان در مسابقات سه‌جانبه تاجیکستان بود. تیم نیپال در اولین بازی خود چند روز پیش با چهار گل مقابل تاجیکستان شکست خورد.
تیم نیپال در نیمه مربیان (نیمه دوم) در دقایق ٤٦ و ٧٨ گل زد و این نتیجه تا پایان مسابقه پا بر جا ماند.
تیم افغانستان در دومین بازی خود در این مسابقات روز سه‌شنبه ٢٩ عقرب با تیم تاجیکستان بازی می‌کند.
بازی تیم‌های افغانستان و تاجیکستان نیز ساعت پنج‌ونیم عصر به وقت کابل برگزار می‌شود.
پس از فسخ یک‌طرفه قرارداد اشلی وست‌وود مربی پیشین تیم ملی افغانستان، این نخستین بازی است که تیم افغانستان با هدایت عثمان توشف اوزبیکستانی به میدان رفت و شکست خورد.
