تاجیکستان سه هزار تُن کمک بشردوستانه به زلزله‌زدگان افغانستان فرستاد
دفتر ریاست‌جمهوری تاجیکستان اعلام کرد که این کشور بیش از ۳۰۰۰ هزار کمک بشردوستانه برای زلزله‌زدگان شرق افغانستان فرستاده است.
دفتر ریاست‌جمهوری تاجیکستان اعلام کرد که این کشور بیش از ۳۰۰۰ هزار کمک بشردوستانه برای زلزله‌زدگان شرق افغانستان فرستاده است.
دولت تاجیکستان در بیانیه‌ای نوشت که این کمک‌ها به دستور امام‌علی رحمان، رئيس‌جمهور این کشور، بامداد دوشنبه با کاروانی از موترهای باربری عازم افغانستان شدند.
طبق بیانیه، کمک‌های تاجیکستان شامل ۲۴ نوع کالا و مواد ضروری از جمله آرد و روغن، شکر، برنج، پتو، خیمه، لباس و کفش برای کودکان، نوجوانان و بزرگسالان می‌شوند.
تاجیکستان گفت که مواد ساختمانی مانند سیخ گول، تخته، سنگ شیروانی و سمنت نیز به مناطق زلزله‌زده افغانستان فرستاده است.
در بیانیه این اقدام نشانه‌ای از «همدردی مردم تاجیکستان با مردم افغانستان» خوانده شده است.
در پی وقوع زمین‌لرزه‌‌ای به بزرگی ۶ در نهم سنبله در شرق افغانستان دستکم ۲۲۰۵ نفر کشته و بیش از ۳ هزار و ۵۰۰ نفر زخمی شدند. بیشترین تخریب و تلفات انسانی زلزله در ولایت کنر رخ داده است.
