دفتر مطبوعاتی ریاستجمهوری تاجیکستان روز دوشنبه اعلام کرد که در دو حملهای که طی هفته گذشته از سوی افغانستان انجام شده، پنج نفر کشته و پنج نفر دیگر زخمی شدهاند. امامعلی رحمان، رئیسجمهور تاجیکستان به نهادهای امنیتی دستور داده که وضعیت و راههای تقویت امنیت مرزی را بررسی کنند.
دفتر مطبوعاتی ریاستجمهوری تاجیکستان میگوید که امامعلی رحمان «اقدامات غیرقانونی و تحریکآمیز شهروندان افغانستان را قویا محکوم کرده و دستور داده است که اقدامات مؤثر برای حل مشکل و جلوگیری از تکرار چنین حوادثی انجام شود.»
مقامات تاجیکستان پیشتر درباره قاچاقچیان موادمخدر و معدنکاران غیرقانونی طلا که در طول مرزهای دورافتاده افغانستان فعالیت میکنند، هشدار داده بودند.
وزارت خارجه تاجیکستان پیشتر اعلام کرد که در نتیجه یک حمله از خاک افغانستان بر محل کار کارکنان شرکت استخراج طلای «شاهین اسام» در منطقه مرزی ولایت ختلان، سه شهروند چین کشته شدهاند.
این وزارت گفت این حمله شب گذشته از قلمرو افغانستان بر قرارگاه کارکنان این شرکت در ناحیه شمسالدین شاهین صورت گرفته و این حمله کار «گروههای جنایتکار » در افغانستان خوانده است.
پیشتر هم منابع محلی در بدخشان به افغانستان اینترنشنال گفتند شام یکشنبه، ۹ قوس از روستای رضوی ولسوالی مایمی بدخشان، به دو شهروند چین در منطقه مرزی شادک تاجیکستان حمله شده است. به گفته منابع، در این حمله ظاهراً نیروهای سرحدی طالبان که از دیگر مناطق در مایمی آمده بودند، دست داشتهاند.
