طالبان: سرمایه‌گذاران تاجیکستان علاقمند سرمایه‌گذاری در کارخانه‌های سمنت افغانستان هستند

بر اساس اعلام این وزارت، سرمایه‌گذاران تاجیکستانی از فراهم شدن زمینه‌های سرمایه‌گذاری در افغانستان و تامین امنیت قدردانی کرده‌اند.

آقای بدری نیز تاکید کرده که وزارت معادن آماده است تا با این سرمایه‌گذاران همکاری کند.

نشست سرمایه‌گذاران تاجیک با وزیر طالبان، بخشی از روند گرم شدن مناسبات طالبان با کشورهای آسیای میانه است که قبلا از دولت پیشین و مخالفان مسلح طالبان حمایت می‌کردند. تاجیکستان که روابط نزدیکی به جبهات آزادی و مقاومت دارد، دیرتر از روسیه و سه کشور آسیای میانه روابط خود با طالبان را گسترش بخشیده است.

با این حال، گسترش این روابط خالی از مانع نیست. کشورهای آسیای میانه، به خصوص تاجیکستان، نگران حضور گروه‌های شبه‌نظامی چون انصارالله تاجیکستان اند.

اخیراً، حملات پهپادی از خاک افغانستان به منطقه ختلان تاجیکستان، که منجر به کشته شدن پنج شهروند چینی شد، نگرانی کشورهای آسیای مرکزی به ویژه تاجیکستان را از امنیت مرزها افزایش داده است.