کمیته دولتی امنیت ملی تاجیکستان اعلام کرد که ۵۸ کیلوگرام مواد مخدر قاچاق شده از افغانستان را در منطقه مرزی شمسالدین شاهین کشف و ضبط کرده است. این کمیته گفت که دو شهروند تاجیکستان به نامهای غلامعلی صابریف و سیفاللهیف در ارتباط به این پرونده بازداشت شدهاند.
تلویزیون دولتی تاجیکستان چهارشنبه، ۲۹ دلو به نقل از کمیته امنیت ملی این کشور گزارش داد که این مقدار مواد مخدر شامل ۳۰ کیلوگرام تریاک، ۱۹ کیلوگرام چرس و ۹ کیلوگرام هیروئین است.
افراد بازداشت شده دو مرد ۵۷ و ۵۵ ساله معرفی کرده است.
مقامات گفتند که این مواد مخدر توسط قاچاقچیان افغان از طریق مرز رسمی به تاجیکستان قاچاق شده بود.
کمیته دولتی امنیت ملی تاجیکستان گفت: «متهمان قصد داشتند مواد مخدر را به شهر دوشنبه و سپس از طریق شرکای خود به کشورهای دیگر منتقل کنند.»
مقامات گفتند که افراد بازداشت شده برای پیگرد قانونی به دادگاه معرفی شدند. براساس قوانین تاجیکستان این دو مضنون با مجازات ۲۰ سال زندان روبهرو اند.
نیروهای مرزی تاجیکستان هفته گذشته از بازداشت یک قاچاقچی افغان خبر دادند. به گفته آنها، این شهروند افغان با ۴۶ بسته مواد مخدر در مناطق مرزی تاجیکستان بازداشت شد.
رئیس آژانس مبارزه با مواد مخدر تاجیکستان گفته است که سال گذشته حدود ۲ تن و ۷۴۲ کیلوگرام مواد مخدر در مرز این کشور با افغانستان کشف ضبط شد.
به گفته مقامات تاجیک، میزان قاچاق مواد مخدر از مبدا افغانستان در سال گذشته به نسبت سال ۲۰۲۴ تقریبا ۵۰ درصد افزایش داشته است.
