وزیر خارجه تاجیکستان گفته است به زودی کمکهای بشردوستانه کشورش به افغانستان ارسال خواهد شد. سراجالدین مهرالدین امروز به خبرنگاران گفت «دولت تاجیکستان تصمیم گرفته است تا از طریق سازمانهای بینالمللی کمکهای بشردوستانه را در قالب مواد غذایی به مردم افغانستان ارائه کند.»
به گفته وی، وزارتخانهها و ادارات تاجیکستان در حال حاضر مشغول هماهنگیهای لازم هستند تا این کمکها به سوی افغانستان ارسال شوند.
تاجیکستان میگوید افغانستان در شرایط بحرانی است و کمک به این کشور را گسترش میدهند.
به گفته مقامات دوشنبه، در حال حاضر نیز خدمات بهداشتی و طبی برای ساکنان افغانستان در مناطق هم مرز با تاجیکستان ارائه میشود.
این کشور همچنین گفته است صادرات برق بدون وقفه به افغانستان ادامه خواهد داشت.
تاجیکستان همچنین ابراز آمادگی کرده که ترانزیت کالاهای بشردوستانه به افغانستان توسط سازمانهای بینالمللی باشد.
با این همه، سراجالدین مهرالدین گفته است تاجیکستان از دولت افغانستان انتظار دارد که دولتی فراگیر با حضور تمام اقوام تشکیل دهد.
