یوشیائو یونگ، نماینده چین برای افغانستان از دیدار با شرف رحیمی، رئیس بخش مطالعات استراتژیک وزارت خارجه تاجیکستان خبر داد. او پس از این دیدار در اکس نوشت که گفتوگوی بسیار خوبی با این دیپلومات تاجیکستان، برای کمک به افغانستان داشته است.
چین و تاجیکستان همانند دیگر کشورها تاکنون طالبان را به رسمیت نمیشناسند. با این حال، چین روابط گسترده دیپلوماتیک و اقتصادی با طالبان دارد. تاجیکستان که میزبان اعضای جبهه مقاومت ملی است، از ایجاد روابط دیپلوماتیک با طالبان خودداری کرده است.
نماینده چین روز جمعه ۲۳ قوس در اکس نوشت: «ما امروز یک گفتوگوی بسیار خوب به خاطر همکاری با یکدیگر برای کمک به بازسازی افغانستان داشتیم.»
این دیپلومات چینی درباره جزئیات این گفتوگو توضیحی نداده است.
مقامهای تاجیکستان در جریان سه سال گذشته بارها از طالبان انتقاد کردهاند. رئیس جمهور تاجیکستان گفته طالبان به رغم وعدههایی که دادهاند مخالف تشکیل حکومت فراگیر در افغانستان هستند. امامعلی رحمان در سال ۱۴۰۱ گفت طالبان سیاست تهاجمی تبعیض آمیز علیه اقوام مختلف افغانستان را دنبال میکند.
