دادستانی کل تاجیکستان اعلام کرد که بیش از ۳۰ نفر به اتهام تلاش برای مسموم کردن شرکتکنندگان یک جشنوار به ۸ تا ۲۰ سال زندان محکوم شدند. خبرگزاری رویترز به نقل از منبع امنیتی در تاجیکستان گزارش داد که تمامی محکومان با داعش خراسان مرتبطاند.
دادستانهای تاجیکستان روز جمعه، ۲۵ دلو گفتند که متهمان در مراسم نوروز سال گذشته تلاش کردند با غذایی سمی شرکت کنندگان این جشن را در شهر وحدت در شرق پایتخت مسموم کنند.
جمعه نظر سید احمدزاده، رئیس اداره مبارزه با تروریسم و افراطگرایی دادستانی کل تاجیکستان به خبرنگاران گفت که ۱۰ نفر دیگر نیز مرتبط به این رویداد تحت تعقیب قرار دارند.
به گزارش رسانههای تاجیکستان، در اوایل ماه جاری ۹ زندانی عضو داعش خراسان در تلاش برای فرار از زندان در شهرک وحدت ۵ زندانی را کشتند.
وزیر امور خارجه تاجیکستان پیشتر گفته بود شبهنظامیان در سال ۲۰۲۴ سه حمله را در این کشور انجام دادند و از دو حمله دیگر جلوگیری شده است.
مقامات تاجیکستان بارها از فعالیتهای داعش خراسان در افغانستان و نفوذ آن به تاجیکستان ابراز نگرانی کردهاند.
