نشست «اتحادیه اروپا و آسیای میانه» در اوزبیکستان برگزار میشود
رسانههای اوزبیکستان گزارش دادند که «نشست اتحادیه اروپا و آسیای میانه» سوم و چهارم آپریل سال جاری میلادی در این کشور برگزار میشود.
رسانههای اوزبیکستان گزارش دادند که «نشست اتحادیه اروپا و آسیای میانه» سوم و چهارم آپریل سال جاری میلادی در این کشور برگزار میشود.
در گزارشها آمده است که در این نشست آنتونیو کاستا، رئیس شورای اروپا، اورسولا فون در لاین، رئیس کمیسیون اروپا و سران اوزبیکستان، قزاقستان، قرغیزستان، تاجیکستان و ترکمنستان حضور خواهند داشت.
همکاری در بخشهای حمل و نقل، اقتصاد و امنیت از جمله موضوعات این نشست اعلام شده است.
روزنامه اوزبیکستان نوشت با توجه به تحولات جهانی، جنگ روسیه و اوکراین و وضعیت جاری در افغانستان، «روابط بین اتحادیه اروپا و آسیای میانه به طور فزایندهای استراتژیک میشود.»
نمایندگان ویژه اتحادیه اروپا و کشورهای آسیای میانه حدود دو هفته در دوشنبه، پایتخت تاجیکستان، درباره وضعیت افغانستان گفتوگو کردند. وزارت خارجه تاجیکستان اعلام کرد که نمایندگان دو طرف همچنین روی «وضعیت حقوق بشر، بهویژه حقوق زنان و دختران در افغانستان، و چالشها و تهدیدهای امنیتی» تبادل نظر کردند.
