جاپان سپوږمۍ ته پلټونکی توغندی وتوغاوه
جاپان د پنجشنبې په ورځ د «سپوږمۍ نښه ویشتونکی» په نوم پلټونکی توغندی سپوږمۍ ته وتوغاوه. که دا توغندی په بریالیتوب سره خپل هدف ته ورسېږي، جاپان به د نړۍ پنځم هېواد شي چې تر سپوږمۍ ځان رسوي.
جاپان د پنجشنبې په ورځ د «سپوږمۍ نښه ویشتونکی» په نوم پلټونکی توغندی سپوږمۍ ته وتوغاوه. که دا توغندی په بریالیتوب سره خپل هدف ته ورسېږي، جاپان به د نړۍ پنځم هېواد شي چې تر سپوږمۍ ځان رسوي.
د جاپان د هوا تشیال موندنو ادارې ویلي، دا توغندی د پلان له مخې د دغه هېواد په سوېل کې له تانګاشیما تشیالي یا فضايي مرکز په بریالیتوب وتوغول شو.
پر دې توغندي لپاره نږدې سل میلیون ډالر لګول شوي او تمه ده چې د راتلونکي میلادي کال په فبروري کې پر سپوږمۍ کېني.
د جاپان د هوافضا موندنو مشر هیروشي یاماکاوا ویلي، د دې تشیالبېړۍ د توغولو لویه موخه «په خورا ځیرتیا او د خوښې ځای کې کېناستل دي، نه په هغه ځای کې چې کېناستلی شو.»
د جاپان دا تشیالبېړۍ دوه اونۍ له هغه وروسته ده چې د هند جاندریان-۳ پلټونکی په بریالیتوب پر سپوږمۍ کېناست.
د دې توغندي د توغولو لپاره سږ کال دا د جاپان څلورمه هڅه ده.
پخوانۍ هڅې د بدې هوا او د تخنیکي ستونزو له امله بې نتیجې شوې.
جاپان تېر کال دوه ځلې هڅه وکړه چې توغندی یې پر سپوږمۍ کېني، خو بریالی نه شو.
که د جاپان دا هڅه بریالۍ شي، نو له امریکا، روسیې، چین او هند وروسته به پنځم هېواد وي چې تر سپوږمۍ ځان رسوي.
