نن (د جولای ۲۰مه) د شطرنج د نړۍوالې ورځې سره سمون لري. دغه لوبه شاوخوا ۱۵۰۰کاله پخوانۍ مخینه لري او د افغانستان په ګډون په ټوله نړۍ کې مېلیونونه مینهوال لري؛ خو طالبانو له څه باندې یوکال راهیسې پر یادې لوبې بندیز لګولی. د شطرنج مینهوال وایي، دغه لوبه د هېریدو له ګواښ سره مخ ده.
فرید بشارت چې د UFC سازمان یو نه ماتېدونکی افغان لوبغاړی دی؛ له امریکایي رسنیو سره یې په مرکه کې ویلي، د پرلهپسې بریاوو سره، سره یې له یاد سازمان څخه د خپل قرارداد د غځولو لپاره کوم وړاندیز نهدی ترلاسه کړی.
د افغانستان د جوجتسو فدراسیون اعلان کړی، چې د هېواد د ۶۹ کیلوګرامه وزن په کټګورۍ کې ملي لوبغاړي مصطفی وکیلي د ۲۰۲۶کال د جوجتسو اسیا جام اتلولۍ سیالیو کې د برونزو مډال ګټلی دی. دغه سیالۍ د قزاقستان په کوربهتوب ترسره شوې دي.
د اسپانیې د فوټبال لوبډلې د ۲۰۲۶ کال نړیوال جام په پایلوبه کې ارجنټاین ته یو د صفر پر وړاندې پایلې سره په ماتې ورکولو، په خپل تاریخ کې د دویم ځل لپاره د دې سیالیو اتلوالي خپله کړه. د دې لوبې یوازینی ګول د اسپانیې بریدګر «فېران تورس» د اضافي وخت د لومړۍ نیمې په۱۶مه دقیقه کې وواهه.
اروپايي ټولنې په بامیانو کې د قوم نوک کلي د ځوانانو د غوښتنې له مخې د والیبال یو لوبغالی جوړ کړی او وايي، ورزش د ځوانانو د روغتیا، رواني هوساینې او راتلونکي لپاره پانګونه ده.
د ۲۰۲۶ کال فوټبال نړیوال جام پایلوبه نن د امریکا د نیوجرسي ایالت په «میټ لایف» لوبغالي کې د هسپانیې او ارجنټاین ترمنځ ترسره کېږي.
د طالبانو تر واک د المپیک بدني روزنې او سپورت عمومي ریاست ویلي چې افغان لوبغاړي مصطفی وکیلي د جوجیتسو نړۍوالو سیالیو کې د ۶۹ کیلوګرام وزن او فول کانټکټ سبک په برخه کې د برونزو مډال ترلاسه کړی.
د کرېکټ نړیوالې شورا اعلان کړی چې د افغان ښځینه کرکټ لوبډلې مالي ملاتړ به دوام ومومي او تر ۲۰۳۰ کال پورې به دغې لوبډلې ته د نړیوالو سیالیو د غوراوي پړاوونو کې د ګډون لپاره رسمي لاره برابره وي.
سپینې ماڼۍ اعلان کړی، چې د امریکا ولسمشر ډونالډ ټرمپ به د یکشنبې په ورځ د نیویارک–نیو جرسي په لوبغالي کې د فوټبال د نړیوال جام د پایلوبې ننداره وکړي. د روان کال د نړۍوال جام په پایلوبه کې ارجنټاین او اسپانیا سره مخ کېدونکي دي.
د خوست د مرکز متون په کچیرې کلي کې د فوټبال یو لوی ټورنمنټ چې شاوخوا درې میاشتې وړاندې پیل شوی وو، د کچیرې کلي د فوټبال کلپ په اتلولۍ پای ته ورسېد. د سیمې اوسېدونکو افغانستان انټرنشنل ته وویل، چې په دغو سیالیو کې د خوست له بېلابېلو سیمو ۶۵ لوبډلو برخه اخیستې وه.
د کرېکټ نړیوالې شورا (ایسيسي) د پاکستان د کرېکټ ملي لوبډلې سپېنر بالر او الرونډر محمد نواز د ډوپپنګ ضد قوانینو د سرغړونې له امله د درېیو میاشتو لپاره له هر ډول لوبو څخه محروم کړی دی.
ټاکل شوې ده، سبا د ایران په امیرکبیر صنعتي پوهنتون کې د افغانستان په ګډون د اوو هېوادونو د روباټیک او مصنوعي ځیرکتیا ټیمونو ترمنځ سیالۍ پیل شي. په دغو اووه ورځنیو سیالیو کې به ۳۹۲ ټیمونه او له زرو ډېر ګډونوال برخه واخلي.
د مرکزي اسیا زون (CAVA) سیالیو کې د افغانستان د والیبال ملي لوبډلې ګډون له ناروښانه حالت سره مخ شوی دی. د افغانستان انټرنشنل د معلوماتو له مخې؛ په کابل کې د پاکستان سفارت لاتراوسه د افغان لوبډلې لوبغاړو او تخنیکي ډلې ته ویزې نهدي ورکړې.
د ارجنټاین ملي لوبډلې د لوبې په وروستیو شېبو کې د دوو ګولونو په وهلو سره انګلستان ته د ۲–۱ په توپیر ماتې ورکړه او د ۲۰۲۶کال نړۍوال جام پایلوبې ته یې لار وموندله. ارجنټاین به په پایلوبه کې له هسپانیا سره مخامخ شي.
د حمید حسن تر روزنې لاندې د امو نهنګانو لوبډلې د درېیم ځل لپاره د افغانستان د کرېکټ شپږېزې لیګ ۱۱م پړاو سیالیو اتلولي خپله کړه. د امو نهنګانو لوبډلې په پایلوبه کې سپین غر پړانګانو ته د ۷ وېکټو په توپير ماتې ورکړه او د یادو سیالیو اتله شوه.
د ۲۰۲۶ کال د فیفا د فوټبال نړیوال جام په لومړۍ نيمه پایلوبه کې د اسپانیې لوبډلې د فرانسې لوبډلې ته په ماتې ورکولو سره پایلوبې ته لاره ومونده. اسپانیا به په پایلوبه کې د انګلستان او ارجنټينا تر منځ د سیالۍ له ګټونکي سره مخ شي.
په شپږیزه لیګ کې د بند امیر ښامارانو لوبډلې لوبیز سفر پای ته ورسېد او د حشمت شهیدي په لوبډلمشرۍ یې په پرلهپسې توګه اته لوبې بایلودې.
د شپږیزې کرېکټ لیګ په نننیو سیالیو کې سپینغر پړانګانو د بست ساتونکو لوبډلې ته د ۶ وېکټو په توپیر ماتې ورکړه. بست ساتونکو ۱۴۴ منډې هدف وټاکه او سپين غر پړانګانو لوبډلې په ۱۵م اور کې دغه هدف پوره کړ او بریا یې خپله کړه.
د کرکټ نړیوالې شورا (ایسيسي) د افغان ښځینه کرکټ لوبغاړو لپاره د پرمختیايي پروګرام د دوام ملاتړ کړی او د دې موخې لپاره یې ځانګړی کاري ډله بیا فعاله کړی، څو تر ۲۰۳۰ کال پورې د دغې لوبډلې د رسمي سیالیو لپاره د ګډون یوه منظمه او دوامداره نقشه برابره کړي.
په ویرجینیا کې د افغان ټولنې غړو او د کرېکټ مینهوالو د افغانستان د کرېکټ ملي لوبډلې د پخواني لوبغاړي شاپور ځدراڼ د فاتحې مراسم او د هغه یاد غونډه ترسره کړه. په غونډه کې د ځدراڼ لوبیز ژوند، خاطرې، د هغه یادونه او پر شخصي ژوند خبرې وشوې.
په بامیان کې د طالبانو تر کنټرول لاندې د بدني روزنې او ورزش امریت اعلان کړی، چې د دغه ولایت دوه غرختونکي مرتضی نجفي او سید محمد طاهري د شاه فولادي د ۵۱۴۰ مترو لوړې څوکې ته په بریالیتوب سره ورسېدل. دغه دواړه ورزشکاران له راستنېدو وروسته د ورزشي مسوولینو لهخوا وستایل شول.
د طالبانو د المپیک، بدني روزنې او سپورټ اداره وايي، د هلمند په مرکز لښکر ګاه کې د ۹۵ ورزشکارانو تر منځ د بدن ښکلا او فټنس سیالۍ ترسره شوې. د ځايي طالب مسوولینو په وینا، د دغو سیالیو په پای کې ۱۰ کسان د هلمند د بدن ښکلا او فټنس ټاکنیزې لوبډلې ته غوره شول.