د افغانستان د کیوکوشین کراټې ملي لوبډلې پخوانی غړی عبدالله عزیزي په هرات ولایت کې په یوې ترافیکي پېښه کې مړ شوی. د افغانستان د کراټې فدراسیون د دغه ۲۵ کلن لوبغاړي مړینه تایید کړې او د خواخوږۍ پیغام یې هم خپور کړی دی.
په کابل کې د پاورلېفټینګ یا د درنو وزنونو د پورته کولو د ټاکنیزو سیالیو لسم پړاو، چې د هېواد له ۱۳ ولایتونو څخه ۱۴۰ ورزشکارانو پکې ګډون کړی و، له څلورو ورځنیو سیالیو وروسته پای ته ورسېد.
د کاپیسا لوبډلې د هېواد د اتو ولایتونو د ۱۲۰ ورزشکارانو ترمنځ د یونیفایټ رزمي سیالیو اتلولي وګټله. کابل دویم او پروان درېیم مقام خپل کړ. د یونيفایټ رزمي سیالۍ د هېواد د اتو ولایتونو د ۱۲۰ ورزشکارانو په ګډون په کاپیسا کې ترسره شوې.
د طالبانو د المپیک، بدني روزنې او سپورټ ریاست اعلان کړی دی چې په کابل کې د ۱۷۰ تنو ورزشکارانو ترمنځ د رزمي لوبو د پارټ فایټ سبک دوستانه سیالۍ پیل شوې دي. دغې ادارې په یوه خبرپاڼه کې ویلي چې په یادو سیالیو کې د کابل ښار د ۲۰ بېلابېلو ورزشي کلبونو لوبغاړي برخه لري.
د ارجنټاین لوبډلمشر لیونل مسي چې ارجنټاین یې په ۲۰۲۲ کال کې د فوټبال نړیوال جام اتلولۍ او په ۲۰۲۶ کال کې پایلوبې ته ورساوه، د دوشنبې په ورځ اعلان وکړ چې نور به د خپل هېواد ملي لوبډلې لپاره نه لوبېږي.
افغان ورزشکار نادر صوفيزاده د قرغیزستان په کوربهتوب د ۲۰۲۶ کال په نړیوالو سیالیو کې د ازاد کورش په برخه کې د برونزو مډال ترلاسه کړ. صوفيزاده دغه مډال د ایټالیا، جورجیا او ارمینیا لوبغاړو ته تر ماتې ورکولو وروسته وګاټه.
د طالبانو د المپیک، ورزش او بدني روزنې عمومي ریاست خبر ورکړی، چې د افغانستان له ۲۰ کلونو کم عمره د فوټبال ملي لوبډلې د ۲۰۲۷کال اسیا جام ته د لارموندنې سیالیو په لومړۍ لوبه کې د اردن پر وړاندې د ۱ – صفر ګول په توپیر ماتې وخوړه.
د انګلستان پر وړاندې په پرله پسې ډول په دوه ټيسټ سياليو کې د ماتې خوړو وروسته، د پاکستان کرېکټ بورډ درېيو زړو لوبغاړو په ګډون اووه لوبغاړي د بلې سيالۍ لپاره له لوبډلې څخه ايستلي دي.
د طالبانو د المپیک، بدني روزنې او ورزش ادارې ویلي چې د پاورلفټینګ فدراسیون له لوري د هېواد د ۱۳ ولایتونو د ۱۴۰ ورزشکارانو ترمنځ د پاورلفټینګ لسم پړاو ملي ټاکنیزې سیالۍ پیل شوې.
د طالبانو د المپیک، بدني روزنې او سپورټ ریاست وايي، چې په کندوز کې د شمال او شمالختیځ زونونو او د هېواد د یو شمېر نورو ولایتونو د کیکبوکسینګ لسم پړاو سیالۍ د کوربه ولایت په اتلولۍ پای ته ورسېدې. په دغو سیالیو کې بلخ او تخار په ترتیب سره دویم او درېیم مقامونه وګټل.
د پنجشېر په مرکز کې د ۱۲۰ ځوانو ورزشکارانو په ګډون د غېږ نیونې یا پهلوانۍ د غوراوي سیالۍ پیل شوې دي. د طالبانو د المپیک، بدني روزنې او سپورټ ریاست په یوې خبرپاڼه کې ویلي، چې دا سیالۍ د پنجشېر د سپورټ امریت او د پهلوانۍ فدراسیون په همکارۍ جوړې شوې دي.
د طالبانو د المپیک، بدني روزنې او سپورټ عمومي ادارې ویلي چې په کابل کې د «عبدالولي اریوبي جام» تر نوم لاندې د زورخانې ورزشونو او لرغونې غېږنیونې اتلولۍ سیالۍ پیل شوې.
د غور د سپورټي ادارې مسوولین وايي، د دغه ولایت د غر ختونکو فدراسیون پنځو لوبغاړو په بامیان کې د غرختونکو ملي لوبډلې په تمریناتي کمپ کې له ګډون وروسته د غر ختونکو ملي لوبډلې غړیتوب ترلاسه کړ.
علياکبر امیري په غوراوي سیالۍ کې امید سهاک ته په ماتې ورکولو سره د ۲۰۲۶کال د ناګویا په اسیايي لوبو کې د تکواندو په مثبت ۸۰ کیلوګرام وزن کټګورۍ کې د افغانستان د استازي په توګه وټاکل شو. تر دې وړاندې حکمتالله زین هم په منفي ۶۸ کیلو ګرام وزن کټګورۍ کې دغه سیالیو ته لار موندلې وه.
د طالبانو د المپیک، بدني روزنې او سپورټ اداره وايي، د افغانستان له ۲۰ کلنو کمعمره ۲۳ کسیزه فوټبال ملي لوبډله د ۲۰۲۷ کال د ۲۰ کلنو کمعمره ځوانانو اسیا جام ته د لار موندنې سیالیو کې د ګډون لپاره بحرین ته روانه شوې ده.
افغان کرېکټ بورډ ويلي، د افغانستان شل اوریز غوره لیګ درې لوبډلې وپلورل شوې، جام یې نندارې ته وړاندې شو او له اړوندو امتیاز خاوندانو سره هوکړه ليکونه هم لاسليک شول.
د افغانستان د فوټبال له ۲۰ کلنو کمعمره ۲۳ کسیزه ملي لوبډله د ۲۰۲۷ کال اسیا جام ته د لار موندنې په سیالیو کې د ګډون لپاره بحرین ته وخوځېده. افغانستان به په دغو سیالیو کې د ډي ګروپ په سیالیو کې له بحرین، اردن او تاجکستان سره مخ شي.
د کرکټ د نړیوالې شورا اجرايوي مشر ویلي، نیپال د دې وړتیا لري چې د افغانستان په څېر په نړیوال کرکټ کې پام وړ پرمختګ وکړي او د دغه ورزش د لوړې کچې په ډګر کې ځای ومومي.
افغان لوبغاړي میلاد حسیني د سویس د نارینهو بدن جوړونې په کلاسیک فزیک سیالیو کې په زړه پوری فعالیت ترسره کړ، چې د نږدې لسو سیالانو له ډلې یې پایلوبې ته لار ومونده او په پای کې یې درېیم مقام ترلاسه کړ.
د طالبانو د المپیک، بدني روزنې او سپورټ عمومي اداره وايي، په تخار ولایت کې د رزمي سپورټونو د «او سپورت» سبک لومړنۍ اتلولۍ سیالۍ ترسره شوې دي.
د افغانستان کرېکټ بورډ د دوشنبې په ورځ د هند پر وړاندې د درېیو شل اوریزو لوبو لپاره د د ۱۵ کسیزې لوبډلې نوملړ اعلان کړ. ټاکل شوې ده دا لوبې د وږي په ۲۲مه، ۲۴مه او ۲۶مه نېټه په نوي ډیلي کې د افغانستان په کوربهتوب ترسره شي.
د افغانستان کرکټ بورډ د اسیا کرکټ شورا د مشرۍ لپاره په وړ بورډونو کې شامل شوی دی. دا پرېکړه په بنکاک کې د اسیا کرکټ شورا په کلنۍ غونډه کې شوې ده. له دې وروسته به د افغانستان کرکټ بورډ په خپل نوبت د دې مهمې شورا د مشرۍ دنده پرغاړه واخلي.