سپورت

د طالبانو د المپیک، بدني روزنې او سپورټ عمومي ریاست وايي، د بایسکل‌ځغلونې د ملي لوبډلې درې لوبغاړو د بامیان، پروان او کابل ترمنځ شاوخوا ۴۰۰ کیلومتره بایسکل‌ځغلونه کړې ده.

د افغانستان د ۱۹ کلنو کم‌عمره کرېکټ لوبډله نن د عمان په مسقط ښار کې د بنګله‌دېش له سیالې لوبډلې سره د څلورو یو ورځنیو سیالیو لوبلړۍ په لومړۍ لوبه کې مخامخ کېږي. ټاکل شوې چې لوبه د افغانستان پر وخت د سهار په ۱۰ بجو پیل شي.

د افغانستان د فوټسال ملي لوبډلې د برازیل د شپږ‌ اړخیزو سیالیو په لومړۍ لوبه کې له جاپان سره لوبه مساوي پای ته ورسوله او په دې توګه د یوه امتیاز په ترلاسه کولو سره نیمه‌پایلوبې ته له لار موندنې یوازې څو ګامه لرې ده.

د روسیې د جودو فدراسیون استازو د طالبانو د سپورټ ادارې له مسوولینو سره په کتنه کې د دواړو هېوادونو تر منځ د جودو د ګډو لیګونو د جوړولو وړاندیز کړی. دغو استازو همداراز په روسیې کې د افغان جودوکارانو لپاره د تمریناتو په موخه د فرصتونو د برابرولو ټټر وهلی.

د افغانستان د کرېکټ ملي لوبډلې د بنګله‌دېش پر وړاندې له پنځو ورځو سختې سیالۍ وروسته د صدیق‌الله اتل او رحمت شاه د غوره توپ‌وهنې په مرسته لوبه مساوي کړه او له ماتې وژغورل شوه.

د افغانستان د کرېکټ ملي لوبډلې د بنګله‌دېش پر وړاندې د ټېسټ لوبې څلورمې ورځې تر پایه د درېیو لوبغاړو په سوځېدو ۱۳۲ منډې جوړې کړې او اوس د یادې لوبې د ګټلو لپاره په پنځمه ورځ ۳۴۷ نورو منډو ته اړتیا لري.

د هرات اوسېدونکی او د افغانستان د فوټبال نړۍوال لوبڅار جلیل احمد جامي د ۲۰۲۶کال د نړۍوالو لوبڅارانو په نوملړ کې شامل شوی او د فوټبال نړۍوال فدراسیون (فیفا) له‌خوا لېږل شوي د لوبڅارۍ وسایل یې هم ترلاسه کړي دي.

د افغانستان د کرېکټ ملي لوبډله د بنګله‌دېش پر وړاندې د ټېسټ سیالۍ په درېیمه ورځ به داسې مهال لوبې ته دوام ورکوي چې لوبډلمشر رحمت شاه په ۸۴ ناسوځېدلو منډو ولاړ دی او افغان لوبډله د بنګله‌دېش د لومړي اننګز له ۳۴۶ منډو څخه لا ۱۳۵ منډې شاته ده.

د طالبانو د المپیک، بدني روزنې او سپورټ ریاست وایي، د کېک‌بوکسېنګ دیارلسم پړاو سیالۍ د هېواد له پنځو ولایتونو څخه د ۱۲۵ ورزشکارانو په ګډون په غزني ښار کې ترسره شوې. د سیالیو په پای کې د غزني لوبډلې د غوره لوبو په ترسره کولو سره لومړی مقام وګاټه.

د بنګله‌دېش د کرېکټ ملي لوبډلې د افغانستان پر وړاندې د ابوظبۍ په ټېسټ لوبه کې په لومړۍ پاڼۍ کې د ټولو لوبغاړو په سوځېدو ۳۴۶ منډې جوړې کړې. د افغان لوبډلې توپ‌اچوونکو د بنګله‌دېش د پیاوړي پیل وروسته د هغوی د منډو بهیر ورو کړ او پرله‌پسې یې ویکټې واخیستې.

د افغانستان او بنګله‌دېش ترمنځ د ټېسټ سیالۍ نن دویمه ورځ ده او افغان لوبډله به هڅه وکړي چې د سیالې لوبډلې پاتې دوې وېکټې ژر واخلي. بنګله‌دېش د لومړۍ ورځې په پای کې د اتو لوبغاړو په سوځېدو ۳۱۷ منډې جوړې کړې دي.

افغان کرېکټ بورډ د بنګله‌دېش په وړاندې د یوازېنۍ ټېسټ لوبې لپاره د رحمت شاه زرمتي په لوبډلمشرۍ ۱۱ کسیزه لوبډله اعلان کړه. د افغانستان او بنګله‌دېش کرېکټ ملي لوبډلو ترمځ د یوازېنۍ ټېسټ لوبې پچه بنګله‌دېش لوبډلې وګټله او لومړی توپوهنه کوي.

د افغانستان کرېکټ ملي لوبډله نن، د تلې په ۱۷مه، په ابوظبۍ کې د بنګله‌دېش پر وړاندې د یوازېنۍ ټېسټ لوبې ډګر ته وځي. دا لوبه به د رحمت شاه زرمتي لپاره د ټېسټ لوبډلې د کپتان په توګه لومړۍ رسمي سیالي وي او دواړه لوبډلې به د شیخ زاید کرېکټ لوبغالي پر میدان سره مخ شي.

د کرکټ نړیوالې شورا په تازه درجه بندیو کې راشدخان د شل اوریزو او پنځوس اوریزو لوبو د غوره توپ اچوونکو په درجه بندۍ کې لومړي مقامونه او عظمت الله عمرزي بیا د یو ورځنیو لوبو د غوره الراونډرانو په درجه بندۍ کې لومړی ځای خپل کړی دی.

افغان کرکټ بورډ له بنګله دېش سره د یوازینۍ ټیسټ لوبې لپاره د مبصرینو په نوملړ کې د نوین الحق نوم هم اعلان کړی دی. د مصبرینو په نوملړ کې د نوین الحق د نوم له اعلان وروسته د نوموړي مینه‌وال داسې انګیري چې هغه نور له نړیوال کرکټ سره مخه ښه کړې ده.

افغان لوبغاړي الهام الدین سراج‌زي په سریلانکا کې د کولمبو نړۍوال ماراتن سیالیو په ۲۰م پړاو کې د سپینو زرو مډال وګاټه. سراج‌زي ۴۲.۱۹۲ کیلومتره مزل په ۲ ساعتونو او ۵۲ دقیقو کې وواهه او دویم مقام یې خپل کړ.

د افغانستان کرېکټ بورډ ویلي، چې د هېواد د ۱۹ کلنو کرېکټ لوبډله به د ۲۰۲۶کال اسیا جام چمتووالي لپاره د بنګله‌دېش او عمان د ۱۹ کلنو لوبډلو پر وړاندې د یو ورځنیو لوبو په لړۍ کې د لوبو ډګر ته ښکته شي.

د افغانستان کرېکټ بورډ د افغانستان لومړۍ درجه کرېکټ سیالیو د نهم پړاو پای‌لوبې له پیل سره هم‌مهاله د «احمدشاه ابدالي جام» په نوم د دغه سیالیو د اتلولۍ جام نندارې ته وړاندې کړ.