د فوټبال نړۍوال فډراسیون تېره ورځ (د غويي ۱۷مه) د فوټسال ډلبندي خپره کړه. د فوټبال نړۍوال فډراسیون (فیفا) په دغې ډلبندۍ کې د افغانستان د فوټسال ملي لوبډلې ۳۰م ځای خپل کړی.
د افغان ابداليانو کرېکټ لوبډلې د سرېلانکا الف لوبډلې څخه څلورمه یو ورځنۍ لوبه په څلورو وېکټو وګټله. افغان ابدالیانو لوبډلې د درې پرله پسې ماتې خوړلو وروسته وکولای شول، چې د «ریاض حسن» د۱۰۶ منډو په جوړېدو بریا خپله کړي.
د افغانستان د کرېکټ الف لوبډلې او سریلانکا الف لوبډلې تر منځ د یو ورځنیو سیالیو لوبلړۍ شپږ ورځې وړاندې پیل شوې او افغان لوبدلې په دغې لوبلړۍ کې خپلې سر په سر درې لوبې سریلانکا لوبډلې ته بایللې دي. د ننۍ لوبې پچه افغان الف لوبډلې ګټلې او لومړی توب اچونه کوي.
افغانستان کرېکټ بورډ خبر ورکړ، چې د سريلانکا الف لوبډلې سره د ټيسټ لوبې لپاره د افغان ابداليانو یو شمېر لوبغاړي دغه هېواد ته روان شول. د دواړو هېوادونو د الف کرېکت لوبډلو ترمنځ څلور ورځنۍ لوبې به د مې مياشتي په ۱۱ پيل او تر ۱۴ به دوام وکړي.
د قوش تېپې ملي شلاوریز جام سیالیو په لړ کې نن د بست او سپین غر لوبډلو ترمنځ لوبه د پرله پسې باران له امله لغوه شوه. د افغانستان کرېکټ بورډ په اېکس پاڼه د دغې لوبې د لغوه کېدو خبر ورکړی دی.
د افغانستان کرېکټ بورډ وايي، د قوش تېپې ملي سیالیو په دوام به نن لومړۍ لوبه سپین غر د مس عینک لوبډلې پر وړاندې او دویمه سیالي به د بند امیر او بست لوبډلو تر منځ وي.
د افغانستان کرېکت بورډ وايي، د قوش تېپې ملي سیالیو په دوام نن لومړۍ لوبه بند امیر د مس عینک لوبډلې پر وړاندې او دویمه سیالي بست د امو لوبډلې پر وړاندې تر سره کوي.
د افغانستان کرېکټ بورډ وايي، د قوش تېپې ملي جام سیالیو په دوام نن لومړۍ لوبه بست د مس عینک لوبډلې پر وړاندې او دویمه سیالي د سپین غر زون د امو لوبډلې په وړاندې ترسره کوي.
د افغانستان کرېکټ بورډ وايي، د سریلانکا الف لوبډلې په وړاندې وروستۍ لوبه د شاهد الله کمال په لوبډلمشرۍ تر سره کېږي او د افغانستان الف لوبډلې لوبډلمشر اکرام علي خېل د ګوتې د ټپ له امله له لوبډلې بهر شوی دی.
د قوش تېپې ملي شلاوریز کرېکټ جام سیالیو په لړ کې نن بست زون د سپین غر لوبډلې ته د ۹۸ منډو په توپیر ماتې ورکړه. ددې سیالیو په ۷مه لوبه کې د بست زون لوبډلې له یوې هر اړخیزې لوبې وروسته سپین غر زون لوبډلې ته په ماتې ورکولو سره په روانو سیالیو کې دویمه پرلپسې بریا خپله کړه.
د پاکستان کرېکټ بورډ مشر محسن نقوي له ایرلینډ او انګلېنډ سره د لوبلړۍ او په نړېوال جام کې د ګډون په موخه د یاد هېواد ملي لوبډلې د تلو پر مهال د لاهور په قذافي لوبغالي کې لیدلي او خپلې لوبډلې ته یې ویلي که نړېوال جام وګټي پر لوبډله به د ډالرو باران وکړي.
د پاکستان او ويسټ انډيز ښځینه کرېکټ لوبډلو ترمنځ د پنځو شل اوریزه لوبود لوبلړۍ څلور لوبې ويسټ انډيز لوبډلې وګټلې. د ويسټ انډيز ښځینه کرېکټ لوبډلې له پاکستانه د درې يو ورځنيو لوبو لړۍ هم ګټلې وه.
د افغانستان فوټبال فدراسيون وايي، چې د فوټبال اتلانو لیګ دریم پړاو سياليو کې نن شنبه فارياب سرسبز یاشلر لوبډلې د سرپل اف سي لوبډلي څخه لوبه وګټله او کابل استقلال لوبډلې بيا په لوی توپير د هرات له سرخپوشان لوبډلې ماته وخوړه
خپل فلمونه او غږونه را ولېږئ