د فرانسې د بهرنیو چارو وزیر اعلان وکړ، چې اروپايي هېوادونه به راتلونکې اونۍ په ابوظبي کې د اوکراین په اړه خبرو کې برخه واخلي. ژان نوئل بارو وویل، فرانسه به په دغو مهمو خبرو اترو کې خامخا خپل استازی ولري.
د طالبانو د عامې روغتیا وزیر مولوي نور جلال جلالي په ننګرهار کې د ډېنګي ناروغۍ د پېښو له زیاتېدو وروسته، د دغې ناروغۍ د وضعیت د ارزونې په موخه یوه ځانګړې کمېټه ټاکلې ده.
په ننګرهار کې د ځمکې لاندې اوبو د کچې ټیټېدو له امله د خلکو د څښاک او کرنې لپاره د اوبو موندل ستونزمن شوي دي. د سیمې اوسېدونکي وايي، د برېښنايي او لمریزو پمپونو له پراخ استعمال سره سره، د دوی په څاګانو کې اوبه کمې شوې او ځینې څاګانې په بشپړ ډول وچې شوې دي.
د پاکستان د بهرنیو چارو وزارت ویاند وايي، په اسلاماباد کې د ایکو سازمان د بهرنیو چارو وزیرانو راتلونکې غونډې ته یې طالبان ته دي بللي. سجاد حیدر خان وویل، دا پرېکړه د دغه سازمان د شته تګلارې له مخې شوې ده.
د ملګرو ملتونو د کډوالو عالي کمېشنرۍ په خپور شوي راپور کې ویلي، چې د ۲۰۲۶ کال د سپټمبر تر پایه نږدې ۱.۲۹ میلیونه افغانان له ایران او پاکستانه افغانستان ته ستانه شوي دي. د راپور له مخې، شاوخوا ۴۳ سلنه دغه کسان ایستل شوي وو او په ناڅاپي او سختو شرایطو کې بېرته هېواد ته رسېدلي دي.
طالب چارواکي وايي، په کابل کې د شمال ډبرو سکرو شرکت له لوري پر ښاریانو د ډبرو سکرو د وېش لړۍ دا اقدام په بازار کې د احتکار د مخنیوي او په مناسبه بیه د سونتوکو د برابرولو لپاره شوی دی. ټاکل شوې، چې دا لړۍ ډېر ژر نورو ولایتونو ته هم وغځول شي.
د طالبانو د کورنیو چارو وزارت ویاند ویلي، چې د دوی په حکومتي جوړښت کې داسې کسان هم ور ننوتي چې د «مجاهدینو»، پولیسو او استخباراتو له نومونو ناوړه ګټه اخلي. د هغه په وینا، دا ډول کسان ځانونه په درواغو امنیتي ادارو پورې اړوند بولي او له دغو عناصرو او عنوانونو ناوړه استفاده کوي.
یوې پاکستاني رسنۍ «سيجياېن» د پاکستان د امنیتي سرچینو په حواله خبر ورکړی چې اسلاماباد د طالبانو د ویاند ذبیحالله مجاهد هغه څرګندونې په کلکه رد کړې، چې ویلي یې وو په افغانستان کې د دا.عـ.ش خـر.اسا.ن ډله په بشپړه توګه له منځه وړل شوې ده.
د هرات په ګذره ولسوالۍ کې د اندېشه هزارهمېشتي ښارګوټي یو شمېر اوسېدونکو وویل چې طالبانو د خلکو په شخصي ځمکو کې چې مخکې یې «امارتي» اعلان کړې وې، رغنیزې چارې پيل کړې دي.
د جرمني د مونشن ښار د اورګاډي مرکزي تمځي مخې ته یوه جرمني وګړي هڅه کړې، چې یو افغان په چاړه په خېټه ووهي، خو افغان برید شنډ کړی او بریدګر یې د پولیسو تر ور رسېدو پورې ټینک نیولی دی.
د تخار ولایت د درقد ولسوالۍ سیمهییزې سرچینې وايي، د طالبانو د امر بالمعروف او نهې عن المنکر ادارې یو محتسب د چهارشنبې په ورځ د لړم په ۱۳مه، د نامشروع جنسي اړیکو په تور ونیول شو، خو یوه ورځ وروسته بېرته خوشې شو.
د «افغانان د پرمختللي فکر لپاره» بنسټ اعلان کړی چې زهره وندا د ازادې سیالۍ پروسې وروسته د ملګرو ملتونو په سازمان کې د افغانستان د ځوانانو د استازې په توګه ټاکل شوې ده.
د افغانستان د ملي راډیو ټلوېزیون پخواني رییس اسماعیل میاخېل وايي، د پاکستان په ملاتړ روزل شوې او تمویل شوې نیابتي او ترهګره ډله نن نورو ته د افغانیت او وطنپالنې درس ورکوي. هغه وویل، چې طالبانو نن هم د افراط، جهالت او استبداد لاره خپله کړې ده.
په افغانستان کې د ملګرو ملتونو یوه لوړپوړي چارواکي ویلي، چې د طالبانو تر بیا واکمنېدو پنځه کاله وروسته هم دغه هېواد په یوه «سخت پړاو» کې دی او نسبي امنیتي ثبات یې د کمزوري اقتصاد، د ښځو او نجونو پر حقونو د پراخو محدودیتونو او بشري اړتیاوو تر سیوري لاندې راغلی دی.
د طالبانو د سختو بندیزونو او محدودیتونو سره هممهاله په کابل کې د خامه پرېس خبري اژانس د خپل فعالیت د ۱۶مې کلیزې په مناسبت اعلان کړی چې تر دې وروسته په افغانستان کې د اقلیمي بدلن او چاپیریال ساتنې اړوند ژورنالېزم ته ډېر وخت ورکوي.
د افغانستان د ملي مقاومت جبهه وايي، د هرات ولایت په رباطسنګي ولسوالۍ کې د یو لړ عملیاتو پر مهال یې درې طالبان وژلي دي. د دغې جبهې د معلوماتو له مخې، دا برید د شنبې په شپه د تورغندۍ بازار ته څېرمه د طالبانو د لویې لارې د پولیسو پر یوې پوستې شوی دی.
د نړۍ او افغانستان د کرېکټ مشهورې څېرې راشد خان خبر ورکړی چې د بېوزله افغانانو د لاسنېوي لپاره په هالنډ کې د خپل مرستندویه بنسټ غونډه کوي. هغه په یوه ویډیویي پېغام کې ویلي: «زمونږ یوازې هدف او کوشش همدا دی چې افغانستان کې بېوزله خلکو سره مرسته وکړو».
د افغانستان د تغذیې د څارنې د سیستم په تازه راپور کې راغلي، چې په هېواد کې د پنځو کلونو څخه د کم عمره ماشومانو د خوارځواکۍ وضعیت د ۲۰۲۶ کال په درېیمه میاشتنۍ دوره کې نور هم خراب شوی او د ۱۶ ولایتونو وضعیت د ناورین کچې ته رسېدلی دی.
د اکثریت ګوند غړي فضل محمود فضلي پر خپله اېکس پاڼه لیکلي چې پاکستان د «امپریالیستي اهدافو د قراردادي» په توګه دومره بدنام شوی، چې اوس یې ټولې پخوانۍ او اوسنۍ نیابتي ډلې یو پر بل د پاکستان د لاسپوڅۍ تورونه لګوي.
طالبانو په دیارلسو ولایتونو کې د تیزو بارانونو، تالندې، برېښنا، تېزو بادونو او سېلابونو د راوتلو خبرداری ورکړی دی. د دوی د هوا پېژندنې ادارې ویلي، چې د بارانونو کچه به له لسو تر دېرشو ملي مترو پورې وي.
په پکتیا کې ځايي سرچینو افغانستان انټرنشنل ته وویل، چې طالبانو استخباراتو د زرمت ولسوالۍ لپاره د پخواني حکومت ولسوال عبدالرحمان زرمتی نیولی دی. د نیول شوي ولسوال کورنۍ هم دا د هغه نیول کېدل تایدوي او زیاتوی، چې نوموړی تېره سې شنبه په مرکز ګردیز کې نیول شوی دی.
د طالبانو د مالیې وزارت وایي، د دغه وزارت د ګمرکونو لوی ریاست د ګرځنده څارنې کارکوونکو په تېرو درېیو اوونیو کې د نیمروز او هلمند ولایتونو په بېلابېلو سیمو کې ۵۵ زره او ۵۷۷ کیلوګرامه قاچاقي توکي نیولي دي.