د کرېکټ له ډګره؛‌ ننګرهار کې د چټک توپ ‌اچوونکو د مهارت لوړونې ځانګړی کمپ جوړ شوی

ددغه ادارې په خبرپاڼه کې ویل شوي، چې د دې مرکز د پرانیستې پر مټ د ښځو او ماشومانو لپاره د نشه‌یي توکو د درملنې یوه اغیزمنه لاره برابره شوې ده. خبرپاڼه زیاتوي، دغه مرکز د خاصو مالي مرستو له لارې د افغانستان ځانګړې باور صندوق (STFA) په ملاتړ چارې مخته وړي.

د دې مرکز د یوې برخې په توګه، د غزني یوې مېرمنې، امینه کیسه هم وړاندې شوې چې د نشه‌یي توکو له اعتیاد څخه یې د رغیدو سفر پیل کړی. هغې د درملنې پر مهال ویلي: «هره ورځ چې په مرکز کې تیره شوه، نوې هیله مې پیدا شوه. ورو ورو مې په دې باور راغی چې بیا کولی شم روغ او عادي ژوند ولرم».

په افغانستان کې د ملګرو ملتونوچارواکي وايي: «د امینې کیسه یوازې یوه نمونه ده، زموږ هدف دا دی چې د سلګونو زیان‌منو ښځو ژوند کې عملي بدلون راولو او هغوی د روغتیا، ځان باور او اقتصادي استقلال په لور ورسوو».

په خبرپاڼه کې راغلي، مرکز د ۲۰ بسترو وړتیا لري او د ښځو تر څنګ ماشومان هم پکې شامل دي.

د دې پروګرام له لارې د کورنیو ملاتړ شوی چې د اعتیاد له منفي اغیزو څخه خوندي پاتې شي او د بیا رغونې پروسه په خوندي چاپیریال کې بشپړه کړي.

خبرپاڼه زیاتوي، امینه اوس د شخصي کورونو او هوټلونو په صفایۍ کې کار کوي او د سلګونو نورو ښځو لپاره د درملنې یو مثال ګرځیدلې ده.

امنې ویلي: «زه ریښتیا خوشحاله یم چې روغتیا مې بیرته ترلاسه کړه او کولی شم خپل ژوند په مسولیت سره پرمخ یوسم. زه دعا کوم چې هر څوک چې د دې خدماتو په وړاندې کولو کې مرسته کړې، بریالي شي.»

امرالله صالح په اېکس لیکلي چې د امریکا حکومت طالبانو ته تازه چاپ شوې ۴۵ مېلیونه ډالر په نقدي ډول استولي چې د «موالم ایرلاینز» ځانګړې الوتکه کې کابل ته وړل شوي. صالح په حیرانتیا سره لیکلي: «افغانستان د امریکا د ملي امنیت په ستراتېژۍ کې نه دی شامل، او بیا هم دومره لویه مرسته استول کېږي. حیرانوونکې موضوع ده».

هغه همدارنګه په خپل ټویټ کې د امریکايي کانګرس غړی ټیم برچټ هم منشن کړی.

صالح د دې عمل پر وړاندې د نړیوالو اړیکو او د افغانستان د حالاتو په اړه اندېښنه څرګنده کړې، او ویلې یې دي چې دا ډول اقدامات د هېواد امنیتي او سیاسي وضعیت پیچلی کوي.

د خارکیف ښاروال الکساندر حوساروو، د ډسمبر په ۷مه ویلي چې د بند سړک ته د موټرو تګ راتګ د روسیې د برید له امله بند شوی دی. نوموړي د برید د ډول او د زیان د اندازې په اړه جزییات نه دي وړاندې کړي.

د خارکیف اوبلاست د څارنوالۍ دفتر راپور ورکړی چې د بند د ښي غاړې په سیمه کې د سټاري سالتیف کلي پر اوسېدونکو د روسي برید په نتیجه کې یو کس وژل شوی دی. اوکرایني پوځ خبرداری ورکړی چې بند ممکن «جدي زیانمن شي» او د بیړنیو اقداماتو لپاره چمتووالی نیول شوی دی.

د اوکراین ۱۶مې قول اردو ویلي: «اوکرایني اړخ له اوږدې مودې راهیسې د احتمالي خطرونو څخه خبر دی او د بند د جدي تخریب لپاره چمتو دی. بیړني ځوابي پلانونه مخکې له مخکې تیار شوي دي».

دغه واحد په ډاګه کړې چې د پیچیني بند «یو حیاتي مرکز دی چې د اوبو رسولو، د چاپېریال ثبات، او د خارکیف او اوبلاسټ د ګڼو اوسېدونکو لپاره امنیت تضمینوي». دغه قول اردو د روسیې د برید په اړه یې ویلي چې دا د نړۍوالو بشري قوانینو لویه سرغړونه او د جنګي جرم په توګه ګڼل کېږي.

د طالبانو کانونو او پټرولیم وزارت د ویب‌ پاڼې په له مخې، دغه ۱۸ زره ټنه تېل یوې کورنۍ کمپنۍ باندې خرڅ شوي دي.

دغه وزارت د لیندۍ په ۷مه هم اعلان کړی و چې د «انګوت» په نوم له سیمې، چې د آمو سیند د حوزې برخه ده، لس زره ټنه استخراج شوي خام تېل یې د ۴ اعشاریه ۵ مېلیونه ډالرو په ارزښت خرڅ کړي دي.

د آمو سیند حوزه د افغانستان د شمال د تېلو او ګازو له سترو زیرمو څخه شمېرل کېږي او د نړۍوالو بنسټونو د ارزونو له مخې، په دې حوزه کې شاوخوا ۹۶۲ مېلیونه بېرله خام تېل او نږدې ۵۲ ټرېلیونه فټه مکعب طبیعي ګاز د ایستلو وړ زېرمې موجودې دي.

د دغه وزارت له‌خوا په خپره شوې خبرپاڼه کې راغلي، د ښاري سرغړونو د مخنیوي عمومي ریاست په لارښوونه یې تازه اقدامات ترسره کړي چې د زلزله‌ځپلو کورونو د رغونې پروسه د پلان سره سم پر مخ ولاړه شي.

په خپرپاڼه کې راغلي، د ښاري سرغړونو د مخنیوي عمومي ریاست رییس مولوي عبدالمنان حقاني وویل: «زموږ ټیم د کونړ ولایت په نورګل او څوکۍ ولسوالیو کې د ۵۰ استوګنیزو کورونو جوړونې چارې وڅارلې. د دې څارنې موخه دا ده چې بنسټونه، دېوالونه، کانکریټي کارونه، د ودانیزو موادو کیفیت او د کارګرانو خوندیتوب ټول اړخونه د معیار سره سم وي».

هغه زیاته کړې چې د پروژې ډېری برخې د پلان سره سم پر مخ روانې دي، خو ځینې تخنیکي نیمګړتیاوې هم شته چې د حل لپاره یې سمدستي سپارښتنې ورکړل شوې دي.

خبرپاڼه زیاتوي، د کورونو جوړونه هغو کورنیو لپاره کېږي چې د وروستیو زلزلو له امله یې خپل استوګن ځایونه له لاسه ورکړي دي.

د دغه وزارت چارواکي وايي چې د پروژې هدف دا دی چې خلک په باکیفیته او دوامداره کورونو کې ژوند پیل کړي، او ټولې ودانیزې چارې باید د تخنیکي اصولو مطابق وي.