د امریکا د فدرالي تحقیقاتو ادارې (اېفبيای) ویلي، د شمالي کوریا د دولت له ملاتړ برخمنو هکرانو په تېرو ۱۸ میاشتو کې د جعلي ویډیويي اړیکو او د خلکو د پټو ثبت شویو انځورونو په کارولو د ۴۰۰ میلیونو ډالرو په ارزښت ډیجیټلي پیسې (کریپټوکرنسي) غلا کړې دي.
د فرانسې ولسمشر اېمانویل مکرون د ماشومانو د انلاین خوندیتوب لپاره د سختو محدودیتونو غوښتنه کړې او ویلي یې دي، چې له ۱۳ کلونو کم عمره ماشومان باید خواله رسنیو ته لاسرسی ونه لري.
د امریکا فضايي ادارې (ناسا) ویلي، د یوې فضايي ډبرې شاوخوا ۶۰ سانتيمتره ټوټه د فلوریډا ایالت لوېدیځ ساحل ته نږدې د ځمکې اتموسفیر ته ننوتلې او د سمندر پر سر تر ورکېدو مخکې په یوې روښانه اورشیندونکې ډبرې بدله شوې ده.
چین د جاپاني شرکت «سافټبانک» لهخوا د سویسي شرکت «اېبيبي» د روباټیک څانګې د پېرلو معاملې مخه نیولې ده. د فوربز د راپور له مخې، د ۵.۴ مېلیارد ډالرو دغه معامله وروسته له هغې ودرول شوه چې په چین کې د بهرنۍ پانګونې د امنیتي ارزونې ادارې یې مخه ونیوله.
د نیویارک پوهنتون یوه نوې طبي څېړنه ښيي، چې د شپې لخوا یو ساعت وختي ویده کېدل د وزن له کمېدو سره مرسته کوي. د دې څېړنې پر بنسټ، هغه کسان چې وختي ویده شوي، په اتو اونیو کې یې شاوخوا شپږ سوه ګرامه وزن کم کړی دی.
د ملګرو ملتونو په یوه راپور کې راغلي، چې د مصنوعي ځیرکتیا اوسني ماډلونه د ښځو او نجونو پر وړاندې د ناوړه ګټې اخیستنې نوې بڼې رامنځته کوي او تبعیض او ګوښه کول یې لا پیاوړي کوي. د راپور له مخې، د جنسي محتوا لرونکو جعلي انځورونو ۹۸ سلنه د ښځو اړوند دي.
د امریکا فضايي ادارې (ناسا) د هغو فضايي ډبرو او لکۍلرونکو ستورو د موندلو لپاره د «NEO Surveyor» فضايي بېړۍ د لمر ضد پوښ جوړول بشپړ کړي، چې ځمکې ته احتمالي ګواښ پېښولی شي. دغه پوښ ۸۶۴ لمریزې حجرې لري او د بېړۍ تلسکوپ له لمره ساتي.
د امریکا د فضايي څېړنو اداره (ناسا) وايي، د غږ له چټکتیا پورته جوړه کړې ځانګړې الوتکه، ایکس-۵۹، یې د الاباما ایالت له برمنګهم ښار څخه د فلوریډا ایالت ډیټونا بیچ ښار ته لېږدولې. دغه الوتکه د الوتنې پر مهال د درنې غږیزې چاودنې پر ځای یوازې یو نرم ټک ته ورته غږ تولیدوي.
سټار بوټ «StarBot» شرکت د «Spark» په نوم یو نوی انسانډوله روبوټ معرفي کړی، چې د کورونو، ښوونځیو او څېړنیزو مرکزونو لپاره جوړ شوی دی. د دغه روبوټ ارزښت شاوخوا ۷۹۹۹ ډالره ښودل شوی دی.
د استرالیا د څېړونکو د یوې تازه څېړنې پر بنسټ، که د عادي ملګي پر ځای په پتاسیم بډایه مالګه وکارول شي، هر کال د نږدې درې میلیونه کسانو د مړینې مخه نیولای شي. د روغتیا نړیوال سازمان هم د وینې د لوړ فشار د راکمولو لپاره د دې مالګې کارول تایید کړي دي.
د امریکا د فضايي څېړنو ادارې (ناسا) څلور کسیزې ډلې مریخ ته د احتمالي انساني سفر د چمتووالي په موخه په یوه مصنوعي استوګنځي کې ۳۷۸ ورځې تېرې کړې. دغه ستورمزلي د یوې کلنې انزوا له پای ته رسېدو وروسته د هوسټن په جانسن فضايي مرکز کې له خپل مصنوعي استوګنځي څخه بهر راووتل.
د امریکا د فضايي ادارې (ناسا) چارواکي وايي، د ارتمیس سپوږمیز پروګرام په پلانونو کې بدلونونه به دې ادارې ته زمینه برابره کړي چې په ۲۰۲۸ کال کې ستورمزلي سپوږمۍ ته ولېږي. دا ماموریت به د سپېساېکس یا د بلو اوریجن له خوا د جوړ شوي د سپوږمۍ د ناستې وسیلې له لارې ترسره شي.
د مرګ په وروستیو شېبو کې د انسان په مغز کې څه پېښېږي؟ څېړنو په ځینو ناروغانو کې د مغز د فعالیت ناڅاپي زیاتوالی ثبت کړی، او له مرګونو ناروغیو ځینې ژوندي پاتې شوي کسان وايي چې د ژوند خاطرې یې ورته راګرځېدلې خو ایا انسان رښتیا هم د مرګ پر مهال خپل ټول ژوند بیا ویني؟
د امریکا د فضايي ادارې (ناسا) ستورپوهان وايي، د دوو کهکشاني ټولګو ټکر او د یوه ستر تورسوري شدید فعالیت ښايي په فضا کې د موسیقۍ د نښې په څېر د یوه راډیويي جوړښت د رامنځته کېدو لامل شوي وي.
د پاکستان د پلان جوړونې، پراختیا او ځانګړو نوښتونو وزیر احسن اقبال ویلي، چې د دغه هېواد لومړنی ستورمزلی به په راتلونکې یوه میاشت کې د چین له فضايي مرکز څخه فضا ته واستوي.
د بریتانیا د دوو پوهنتونونو نوې څېړنه ښيي، چې د سګرټو له لوګي سره مخ کېدل ښايي د هغو جینونو په فعالیتونو کې بدلونونه رامنځته کړي، چې د ښځو د تخمدانونو له فعالیت او د نارینهوو د سپرم له تولید سره تړاو لري.
اېکس خواله رسنۍ خبر ورکړی، چې له ایران، روسیې او چین سره اړوند د درېیو بهرنیو نفوذي عملیاتو په تړاو یې تر ۱۳زره ډېر حسابونه ځنډولي دي. د یادې شبکې په وینا، دغه جعلي حسابونو د منځمهاله ټاکنو په درشل کې د امریکا سیاسي خبرې په نښه کړې وې.
د نړۍ ستر میلیاردر اېلان ماسک په هند کې د خپلې سپوږمکۍ انېټرنټي شبکې سټارلېنک د فعالیتونو لپاره د هڅو پر مهال د دغه هېواد د مخابراتي بازار پر وضعیت توندې نیوکې کړې دي. هغه د هند پر مخکښ صنعتکار موکېش امباني نیوکه وکړه او په طنزیه بڼه یې هغه ته د «لومړي وزیر امباني» خطاب کړی دی.
د ټېسلا او سپېساېکس مشر ایلان ماسک یو ځل بیا تریلیونر شوی او شتمني یې له درېیو میاشتو وروسته د لومړي ځل لپاره له یو ټریلیون ډالرو اوښتې ده.
مېټا، ټکټاک او اېکس په انګلستان کې د انلاین خوندیتوب د نوي قانون له مخې د معلوماتو د پراخو غوښتنو پر سر د دغه هېواد د مخابراتو له تنظیموونکې ادارې «افکام» سره حقوقي مخالفت څرګند کړی.
د امریکا د اتمې فدرالي استیناف محکمې د مینېسوتا ایالت د هغه قانون پلي کېدل په موقتي ډول ځنډولي چې د مصنوعي ځیرکتیا په وسیله د واقعي کسانو د جعلي بربنډو انځورونو جوړول منع کوي؛ دا پرېکړه وروسته له هغې شوې چې د مصنوعي ځیرکتیا شرکت د xAI قانون پر ضد حقوقي دعوه وکړه.
د ایلن ماسک د سپېس اېکس شرکت «سټارشېپ» فضايي بېړۍ د دوشنبې په ورځ د لومړي ځل لپاره مدار ته ورسېده او ۲۶ نوي «سټارلنک» سپوږمکۍ یې مدار ته ولېږدولې، خو د الوتنې پر مهال د یوه انجن له ناڅاپي درېدلو وروسته یې ماموریت له ټاکلي وخت څو ساعته مخکې پای ته ورسېد.