روسیې په ټولو ټېلفونونو او ټابلېټونو کې د واټساپ سیال اپلېکېشن لګول جبري کړل
روسیې اعلان وکړ، چې د سپټمبر له لومړۍ نېټې څخه به د دولتي پیغام رسونې اپلېکېشن «MAX» لګول په دغه هېواد کې پر پلورل شويو ټولو ټېلفونونو او ټابلیټونو جبري وي. دغه اپلېکېشن چې د واټساپ سیال بلل کېږي؛ منتقدین یې د څارنې وسیله ګڼي.
د روسیې حکومت همداراز ویلي، چې د «RuStore» اپلېکېشن باید په ټولو اېپل شبکو کې ولګول شي او د راتلونکي کال د جنورۍ له لومړۍ نېټې څخه به د دولتي ټلوېزیوني شبکو د وړیا لېدلو لپاره د «LIME HD TV» اپلېکېشن په ټولو سمارټ ټلویزیونونو کې موجود وي.
