رویټرز خبري اژانس وایي، په جرمني کې د ژوند د لوړو لګښتونو او د پوهنې نظام د وضعیت پر ضد د ځوانانو پراخ لاریونونه په تاوتریخوالي واوښتل او په فرانکفورټ کې یو شمېر هټۍ هم لوټ شوې دي.
د امریکا د بهرنیو چارو وزیر مارکو روبیو د شنبې په ورځ (د لړم ۹مه) وویل، چې نړیواله ټولنه په تور سمندرګي کې د یوه محدود اوربند د رامنځته کولو لپاره مخ پر زیاتېدونکې لېوالتیا ښيي، څو د روسیې او اوکراین د غلو دانو او انرژۍ د لېږد بهیر بې خنډه دوام ومومي.
د ایران د ملي امنیت د عالي شورا منشي مُحسن رضايي له صدا و سیما ټلویزیون سره مرکه کې وویل: «که ټرمپ او امریکا دلته تنبیه نهشي، سبا به هره هېواد له ځان سره وایي که پر ایران برید وکړو، هېڅ بدله به ونهلري. موږ به داسې یو کار وکړو چې هېڅ هېواد سر ټیټ او بريد ونهکړي».
په مسکو کې د امریکا سفارت د روسیې په پلازمېنه کې د یوه« احتمالي او خونړي» برید په اړه جدي خبرداری ورکړی دی. دغه سفارت ویلي، چې پر تساریتسنو تاریخي موزیم د برید او ډلهییزو تلفاتو مستند معلومات یې ترلاسه کړي دي.
د ایران د بهرنیو چارو وزیر عباس عراقچي له الجریزې سره په یوه مرکه کې ومنله، چې تهران د امریکا د مرستیال ولسمشر جيډي ونس پيغام ترلاسه کړی دی. هغه وویل دغه پيغام په لوړو غونډو کې ارزول شوی، خو دا مهال له امریکايي لوري سره د لیدنې هېڅ پروګرام نشته دی.
د ایران مذهبي مشر مجتبی خامنهیي د دغه هېواد د وسله والو ځواکونو له جګپوړو قوماندانانو سره په لیدنه کې ویلي، چې د دغه هېواد پر وړاندې هر ډول ګواښ ته باید «سملاسي، اغېزناک او له جغرافیايي محدودیت پرته ځواب» ورکړل شي.
د بشر حقونو څار سازمان وايي، سېنېګال چې د ۲۰۲۶ کال د ځوانانو د المپیک سیالیو کوربه دی، په دغه هېواد کې د همجنسپالو او د (ایل جي پي ټي) ټولنې پر وړاندې د نیونو او سخت چلند له امله د سیالیو د ترسره کېدو په اړه اندیښنې زیاتوي.
د ترک هېوادونو سازمان غړو مشرانو ژمنه کړې چې د افغانستان د سولې، ثبات او دوامدار پرمختګ لپاره به خپلې ګډې هڅې او همکارۍ روانې ساتي او په دې برخه کې به د افغانستان کاري ډلې له لارې هم فعالیت کوي.
د ملګرو ملتونو علمي، ښوونیز او کلتوري سازمان (یونسکو) وايي، د ناسمو معلوماتو، کرکې خپرولو او د مصنوعي ځیرکتیا د مخ پر زیاتېدونکو اغېزو پر وړاندې د خلکو د پوهاوي لوړول اړین دي.
فلسطیني چارواکي وایي، چې په نیول شوې لوېدیځه غاړه کې مېشتو اسراییلي سرتېرو د جمعې په ورځ د دغې سیمې په پنځو ولایتونو کې د فلسطیني زیتون راټولوونکو پر وړاندې ۲۲ بریدونه کړي دي.
د ایران بهرنیو چارو وزیر عباس عراقچي د جرمني د لومړي وزیر فریدریخ میرڅ د څرګندونو په غبرګون کې خبرداری ورکړی چې د ایران وسلهوال ځواکونه به پر دغه هېواد بریدګرو ته سخت ځواب ورکړي.
د کانګو دیموکراتیک جمهوریت دولتي شمېرې ښيي، چې په دغه هېواد کې د ایبولا ویروس د خپرېدو له امله د مړو شمېر له پنځو زرو اوښتی دی. د دغو شمېرو له مخې، د روان کال د غويي میاشتې راهیسې، چې په دغه هېواد کې د دې ناروغۍ خپرېدل اعلان شوي، تر ۱۰ زرو ډېر کسان پرې اخته شوي دي.
د ملګرو ملتونو د کډوالو عالي کمېشنرۍ (یونیسیار) د افغانستان، اوکراین، سوریې او لبنان له نهو میلیونو اړمنو کسانو سره د ژمي په موسم کې د مرستې لپاره د ۵۰ میلیونه ډالرو غوښتنه کړې ده. دغه مرستې به له زیانمنو کورنیو سره په سړه هوا کې مرسته وکړي.
ملګري ملتونه وايي، په لبنان کې د روان کال د مارچ له لومړیو راهیسې د بېځایه شویو کسانو له ډلې تر ۳۰۰ زرو ډېر لا هم خپلو سیمو ته نه دي ستانه شوي او د اسراییلو پوځي فعالیتونه د هغوی بېرته ستنېدل ستونزمنوي.
د الشرق الاوسط ورځپاڼې د راپور له مخې، د یمن د دولتي ځواکونو او حوثیانو ترمنځ د لحج ولایت په شمال او د تعز ولایت په سوېل کې د المقاطره په سیمه کې سختې نښتې شوې دي.
ملګرو ملتونو کې د امریکا استازی مایک والټز وايي، روسیې د امنیت شورا هغه امریکايي پرېکړهلیک ویټو کړی چې موخه یې د مراکش او پولېساریو ترمنځ د لوېدیځې صحرا د پنځوس کلنې اوږدې شخړې هواری و.
شمالي کوریا د بندیزونو د څارنې د هغې ډلې ګډه اعلامیه په کلکه وغندله چې پر پیونګیانګ د لګېدلو بندیزونو عملي کېدل څاري او دا اقدام یې د خپل حاکمیت ښکاره نقض بللی دی. دغې څارونکې ډلې په خپلې ګډه اعلامیه کې له ټولو غړو هېوادونو غوښتي وو، چې پر شمالي کوریا لګېدلي بندیزونه پلي کړي.
د سعودي عربستان په مشرۍ د پوځي اېتلاف ویاند ترکي المالکي وویل، چې د دغه اېتلاف ځواکونو د مدینې په سیمه کې د حوثیانو یوه بېپېلوټه الوتکه کشف او لهمنځه وړې ده. له دې سره سم، په ریاض کې د امریکا سفارت یو ځل بیا له سعودي څخه د غیر ضروري امریکايي کارکوونکو د وتلو غوښتنه کړې ده.
د امریکا د بهرنیو چارو وزارت د جمعې په ورځ (د لړم ۸مه) اعلان وکړ، چې اوکراین ته یې د ۲،۱ میلیارده ډالرو په ارزښت د ۵۰۰ پاتریوټ پياېسي-۳ دفاعي توغندیو پلور تایید کړی دی. واشنګټن وایي، چې دغه دفاعي توغندي به د اوکراین د هوايي حریم د خوندیتوب او د بریدونو د شنډولو لپاره وکارول شي.
د ملګرو ملتونو د کډوالو عالي کمېشنرۍ (UNHCR) په جینوا کې اعلان کړی، چې د بودجې د سخت کمښت او د انرژۍ د بیو لوړېدو له امله، د افغانستان په ګډون څلورو جګړه ځپلو هېوادونو کې لږ تر لږه ۹ میلیونه وګړي سږني ژمي کې بېړنیو مرستو ته اړتیا لري.
د پاکستان د پوځ ویاند احمد شریف چودري وايي، د دغه هېواد پوځ د ایران او امریکا ترمنځ د منځګړیتوب په اړه له «احتیاط» سره هیلهمن دی. نوموړي تهران ته د پاکستان د پوځ د مشر دوه سفرونه په دې بهیر کې د مثبتو نښو څرګندونه وبلله.
د امریکا د جګړې وزارت له یو شمېر اروپايي متحدانو غوښتي، چې د روسیې د ګواښونو په اړه له توندو څرګندونو ډډه وکړي. د رویټرز د راپور له مخې، واشنګټن دا ډول دریځونه د اروپا د امنیت په تاوان ګڼي.