په سعودي عربستان کې د امریکا سفارت په منځني ختیځ کې مېشتو امریکایي وګړو ته خبرداری ورکړی، چې د امنیتي ګواښونو د زیاتېدو له امله دې احتیاط وکړي. دغه سفارت په یوه رسمي خبرپاڼه کې خپلو وګړو ته سپارښتنه کړې، چې اضافي احتیاطي تدابیر ونیسي.
د اسراییل پوځ ویلي، چې د غزې په تړانګه کې یې د حماس د وسلهوالې څانګې پر یوه جګپوړي پوځي قوماندان هوايي برید کړی او هغه یې وژلی دی. د حماس سرچینو رویټرز خبري اژانس ته منلې، چې په دغه برید کې د یادې ډلې جګپوړی پوځي قوماندان سمیر ابو یونس په خان یونس ښار کې وژل شوی دی.
د امریکا مرکزي قوماندانۍ (سنټکام) اعلان کړی، چې د دغه هېواد متحدینو په فارس خلیج کې د امریکايي ځواکونو تر ساتنې لاندې له هرمز تنګي څه باندې یو میلیارد او ۷۰۰ مېلیون بېرله خام تېل لېږدولي دي.
د امریکا د دفاعي چارو څېړنیزې خپرونې «لانګ وار ژورنال» راپور ورکړی، چې د اکټوبر له ۹مې د نومبر تر ۱۰مې پورې په هسپانیا، کاناډا، اېټالیا، اسراییل او سویډن کې اته کسان د داعش له فعالیتونو سره د تړاو په تور نیول شوي یا پرې قضايي تورونه لګول شوي دي.
د اسراییلۍ ورځپاڼې «اسراییل هیوم» په یوه ځانګړي راپور کې راغلي، اسراییل له امریکا سره داسې استخباراتي معلومات شریک کړي چې ښيي ایران د ډونالډ ټرمپ او د هغه د حکومت پر لوړپوړو چارواکو د ډرون برید پلان جوړوي.
د اسراییل د «یاشار» ګوند مشر ګادي ایزنکوټ چې د دغه هېواد ولسمشر اسحاق هرزوګ ورته د نوي حکومت د جوړولو دنده سپارلې، پر پخواني لومړي وزیر بنیامین نتنیاهو تور پورې کړی چې د سیاسي مذاکراتو د پیل غوښتنه یې د سیاسي وختضایع کولو هڅه ده او غواړي د نوي حکومت د جوړېدو مخه ونیسي.
د اوکراین ولسمشر ولادیمیر زېلېنسکي د سپېساېکس شرکت د سپوږمکۍ مخابراتي سیسټمونو د سرعت پر محدودیتونو نیوکه کړې او ویلي یې دي، چې دغه محدودیتونه د روسیې د بېپیلوټه الوتکو پر وړاندې د اوکراین د هوايي دفاع وړتیا کمزورې کوي او د دغه هېواد ښارونه له ګواښ سره مخ کوي.
د ملګرو ملتونو سرمنشي انتونیو ګوترېش د اقلیمي بدلونونو په اړه د علمي حقایقو پر بیانولو ټینګار کړی او ویلي یې دي، چې د دغه حقیقتونو د ناخوښۍ له امله به چوپ پاتې نهشي. ورته مهال د ملګرو ملتونو د راپورونو له مخې، افغانستان د اقلیمي بدلونونو له سختو اغېزمنو هېوادونو څخه دی.
د اوکراین ولسمشر ولادیمیر زېلېنسکي وايي، امریکايي مرکچي پلاوي وړاندیز کړی چې اوکراین دې د ناټو د غړیتوب په بدل کې خپل پاتې ځواکونه د دغه هېواد له ختیځې ډنباس سیمې وباسي. د نوموړي په وینا، د روسیې او اوکراین ترمنځ د جګړې له پیل راهیسې امریکا د لومړي ځل لپاره دا ډول وړاندیز کړی دی.
د امریکا ولسمشر ډونالډ ټرمپ خپلو سلاکارانو ته ویلي، که د ایران له لوري نوي پاروونکي ګامونه پورته نهشي، پر دغه هېواد به نوي بریدونه وځنډوي. د راپورونو له مخې، د سعودي ولیعهد محمد بن سلمان او د ترکیې ولسمشر رجب طیب اردوغان هم له ټرمپ غوښتي چې پر ایران له بریدونو ډډه وکړي.
د پاکستان بهرنیو چارو وزارت وايي، د اقتصادي همکاریو سازمان(ایکو) د بهرنیو چارو وزیرانو شورا ۳۰مه دوه ورځنۍ غونډه د محمد اسحاق ډار په مشرۍ سبا (یکشنبه) په اسلاماباد کې پیلېږي. تر دې مخکې د دغه وزارت ویاند افغانستان انټرنشنل ته ویلي وو، چې دغې غونډې ته یې طالبان نهدي بللي.
سپینې ماڼۍ ویلي، چې ډونالډ ټرمپ به په راتلونکې اونۍ کې په چین کې د روسیې او چین له ولسمشرانو سره په لیدنه کې په نړۍ کې د اټومي وسلو د کمولو په تړاو خبرې وکړي.
د امریکا په نیواورلینز کې د میسيسیپي په اوبو کې د جمعې په ورځ د تېلو د یوې لویې بېړۍ او د سیلانیانو د یوې بېړۍ تر منځ په ټکر کې ۳۲ کسان ټپيان شوي دي. ویل کېږي، په دې پېښه کې د سیلانیانو بېړۍ ډوبه شوې او ټپیان هم د همدې بېړۍ مسافر وو.
د امریکا د جګړې وزیر پېټ هېګسېت هغه امریکايي سرتېري ته پوځي مډال ورکړ، چې د ارلینګټن په ملي هدیره کې یې د رسمي مراسمو پر مهال هغه او ورسره مل پلاوي ته د مناسبو اصولو د مراعتولو یادونه کړې وه. دغې پېښې په خواله رسنیو کې ګڼ غبرګونونه راپارولي وو.
په ملګرو ملتونو کې د پاکستان دایمي استازي سید حیدر شاه په هُرمز او بابالمندب کې د سمندري امنیت په اړه د اندېښنې په څرګندولو سره ویلي، چې په دغو مهمو سوداګریزو لارو کې د بېړیو پر وړاندې بریدونه او د تګ راتګ ګډوډول د انرژۍ بیې لوړوي او د نړۍ د خوړو خوندیتوب له ګواښ سره مخ کوي.
د امریکا د فډرالي هوايي چلند ادارې اعلان کړی، چې په دغه هېواد کې د الوتکو د الوتنو د سراسري ځنډولو امر له څه باندې څلورو ساعتونو ځنډ وروسته لغو شوی دی. په دې سره الوتکو یو ځل بیا د الوتنو اجازه ترلاسه کړې، خو داسې نهده، چې ټولې الوتنې به سمدستي خپل عادي مهالوېش ته راوګرځي.
والسټریټ ژورنال د باخبره سرچینو په حواله راپور ورکړی، چې د امریکا د هوايي چلند ادارې په ځینو مرکزونو کې مخابراتي خدمات بېرته عادي حالت ته ګرځي. مایکروسافټ بیا ویلي، د الوتنو ګډوډي د دوی د خدماتو له پرې کېدو سره تړاو نه لري.
د امریکا متقاعد جنرال او پوځي کارپوه جان ټیچرټ خبرداری ورکړی چې د ایران حکومت پر ضد د امریکا له پوځي عملیاتو سره سره، تهران لا هم په ټول منځني ختیځ کې د امریکا ګټو ته د ګواښ پېښولو وړتیا لري.
د ایران د سپاه پاسداران سمندري ځواک د جمعې په ورځ ويلي، چې دوه د تېلو ټانکرونه په هرمز تنګي کې پر سمندري ماینونو د ختلو له امله چاودېدلي او اور پکې لګېدلی دی.
د ایران په ملاتړ حوثي وسله والو د جمعې په ورځ اعلان وکړ، چې د سعودي عربستان د جازان سیمې په سرحدي سیمه کې یې د سعودي ځواکونو د راټولېدو پر ځای دوه بالستیک توغندي توغولي او په ریاض کې یې د ملک خالد هوايي ډګر او د تېلو د لېږد یو تاسیسات هم په نښه کړي دي.
د امریکا استازې جنیفر لوکتا د جمعې په ورځ (د لړم ۲۲مه) د ملګرو ملتونو د امنیت شورا په غونډه کې د دې شورا له غړو هېوادونو وغوښتل چې ایران د خپلو کړنو په تړاو ځوابویونکی کړي.
د امریکا د هوايي چلند فدرالي ادارې په یو بېساري اقدام کې په ټول هېواد کې ټولې کورنۍ الوتنې ودرولې او الوتکو ته یې د الوتنې اجازه نه ده ورکړې. دغې ادارې د خوندیتوب اندېښنو ته په اشارې سره امر کړی چې الوتنې دې په بشپړه توګه وځنډول شي.