امریکا په مشروط ډول چین ته د مصنوعي ځیرکتیا د چېپونو صادرولو اجازه ورکړه

د امریکا د سوداګرۍ وزارت د تازه پرېکړې له مخې؛ هغه امریکایي شرکتونه چې د مصنوعي ځیرکتیا (AI) چېپونه چین ته صادروي، باید د پلور له عوایدو ۱۵سلنه د صادراتو د جواز شرط په توګه ورکړي.

یاد شرط په ځانګړي ډول د نوېدیا د H20 او AMD د MI308 چېپونو لپاره وضع شوی دی. دغه دواړه چېپونه د لوړې محاسبوي وړتیا له امله د پوځي او ستراتیژیکو چارو لپاره هم کارېدای شي.