د کیوبا چارواکي وايي، د اوکراین پرضد د روسیې پوځ ته د دغه هېواد د ځوانانو د جذبولو په تور یې ۱۷ کسان ونیول.
کیوبا د روانې اونۍ په لومړیو کې وویل، د دغې شبکې د موندلو او له منځه وړلو هڅه کوي چې په دغه هېواد او روسیه کې فعاله ده.
د کیوبا د کورنیو چارو وزارت ډګروال سیسر رودریګاز د پنجشنبې په ورځ وویل، د پلټنو په نتیجه کې د دې قاچاق ۱۷ داخلي پلانوونکي نیول شوي دي.
څارنوال خوزه لویس رایس وايي، دې قاچاق کې ښکېل کسان تر ۳۰ کاله بند، عمري بند او مرګ سزا سره مخ کېدلی شي.
د نوموړي په خبره، دا سزا هم د دې جرم اړوند رول پورې تړلې چې انساني قاچاق او د بل هېواد پرضد جګړه او دوښمني پکې راځي.
تېر کال د روسیې ولسمشر داسې قانون لاسلیک کړ چې له مخې یې بهرنیان د روسیې د وګړتوب ترلاسولو په بدل کې د دغه هېواد په پوځ کې خدمت کولی شي.
کیوبا وايي، د اوکراین د جګړې برخه نه ده او د وسلوالو په توګه د دوی د وګړو کارول غندي.