نږدې ۳۰۰ نور افغانان کاناډا ته ولېږدول شول
د کاناډا د کډوالو چارو وزارت ټورنټو ته د ۲۹۸ افغانانو له رسېدو خبر ورکړ. دغه وزارت د پنجشنبې په ورځ په یوه ټویټ کې لیکلي، چې تر اوسه څه باندې ۳۷ زره افغان کډوال کاناډا ته لېږدول شوي دي.
د کاناډا د کډوالو چارو وزارت ټورنټو ته د ۲۹۸ افغانانو له رسېدو خبر ورکړ. دغه وزارت د پنجشنبې په ورځ په یوه ټویټ کې لیکلي، چې تر اوسه څه باندې ۳۷ زره افغان کډوال کاناډا ته لېږدول شوي دي.
په دغه ټویټ کې دا چې افغان کډوال له کوم هېواده کاناډا ته لېږدول شوي، څه نه دي ویل شوي.
تر دې وړاندې کاناډا له پاکستان، تاجکستان او متحده عربي اماراتو څخه افغانان دغه هېواد ته لېږدولي دي.
لکه څنګه چې د کاناډا د کډوالو چارو وزارت وړاندې هم اعلان کړی و، یو ځل بیا یې ویلي، چې دغه هېواد ته به ۴۰ زره افغان کډوال ولېږدول شي.
