په مراکش کې د زلزلې له امله د مړو شمېر تر ۲۰۰۰ واوښت

دغه زلزله په مراکش کې په تېرو شپږو لسیزو کې تر ټولو خونړۍ زلزله بلل شوې ده.

په زرګونو مراکشیان چې د زلزلې له امله بې کوره شوي وو د شنبې شپه يې (د وږې ۱۸مه) بهر تیره کړه.

د ریښتر په کچه د ۶،۸ درجې زلزلې وروسته د مراکش شاهي محکمې درې ورځې عمومي ماتم اعلان کړ.

په سلګونو مراکشيان وايي چې نه دوی ته کورونه ور پاتې دي او نه د خوړلو لپاره څه لري.

په ډیرو سیمو کې د ژغورنې ډلو هڅې د زیاتو ودانیو د را غورځېدو او د ترانسپورټي لارو د بندیدو له امله ناکامې شوې دي.