د طالبانو د کډوالو چارو وزارت د خپرې شوې خبرپاڼې له مخې، د یکشنبې په ورځ ۲ زره او ۳۰۶ نوي کډوال له ایرانه بیرته هیواد ته راستانه شوي دي. دغه وزارت خبر ورکړی چې د دغو کډوالو له ډلې ځينې هغه يې د مرستو لپاره بهرنیو مرستندویه ادارو ته ورپيژندلي
د اسلام کلا د سرحدي عسکرو آمر په خبره، له یاد شمیر څخه ۱۳۲۱ تنه کډوال نړيوال سازمان دفتر ته د مرستو د ترلاسه کولو په موخه ورپيژندل شوي.
په وروستیو میاشتو کې له ایران څخه د افغان کډوالو په زور شړل زیات شوي دي.
ایران وايي، د ډېری افغان کډوالو د بېرته ستنېدو لامل دغه هېواد ته په ناقانونه ډول راتګ، دغلته پاتې کېدل او یا هم د دوی په پاسپورټونو کې د وخت ختمېدل دي.
دا مهال په ایران کې شاوخوا پنځه میلیونه افغان کډوال ژوند کوي؛ چې ایران دا مهال د دغو کډوالو د اېستلو بهیر چټک کړی دی.
