په کورمه کې د سني او شعیه مذهبو کرکېچ؛ یو شمېر قومي مشرانو ۳۰۰ ښوونځي تړلي دي

د دغه مرکز مشر کریسټي ابیزید پرون دوشنبه (وږي ۲۰) د سپټمبر د ۱۱مې د بریدونو د دوه ویشتمې کلیزې په مناسبت په خپره کړې اعلامیه کې ویلي، چې القاعده په خپل تاریخي مرکز”افغانستان او پاکستان” کې ځای لري خو د بیا راپورته کېدو احتمال یې نه شته.

نوموړی دا خبرې په داسې مهال کوي، چې په متحده ایالاتو کې د القاعده د یوې خونړۍ پېښې ۲۲ کاله پوره شوي او دا پېښه په ټوله نړۍ کې یوه هېښوونکې پېښه بلل شوې ده.

په اعلامیه کې راغلي چې د القاعده شبکې موخو ته لاسرسی، مشرتابه، ګروپي فعالیت، او سیمه ییز مناسب چاپیریال له لاسه ورکړی دی.

خو بل خوا ملګرو ملتونو ته د امنیت شورا په راپور کې چې د جون په میاشت کې خپور شو؛ خبرداری ورکړل شوی، چې افغانستان یو ځل بیا د القاعدې لپاره په مناسبه سیمه بدل شوی.

په راپور کې ویل شوي، چې القاعدې په افغانستان کې خوندي پټنځایونه تر لاسه کړي او د سرتېرو کمیت یې زیات شوی دی.

پرون دوشنبه د (وږي ۲۰مه) د پاکستان د بهرنیو چارو وزارت د تورخم د بندېدو په اړه د طالبانو د بهرنیو چارو وزارت د وړمې ورځې اعلامیه د حیرانتیا وړ بللې وه.

د پاکستان د بهرنیو چارو وزارت ویلي، چې د پاکستان حکومت پر خپله خاوره د بل چا هېڅ ډول لاسوهنه نه شي زغملی؛ ځکه په دې سره د پاکستان حاکمیت تر پوښتنې لاندې راځي.

د پاکستان د بهرنیو چارو وزارت د تورخم د دروازې د خلاصون په اړه څه نه دي ویلي؛ خو په تورخم کې ولاړې بار وړونکې لارۍ ورځ تر بلې مخ په زیاتېدو دي او بار وړونکي شکایت کوي، چې که دروازه خلاصه نه شي ښايي له دې زیات تاواني شي.

احتشام مومند یو له هغو موټر چلوونکو دی، چې له تېرې یوې اونۍ راهیسې په تورخم کې د دروازې د خلاصون په تمه منتظر دی، نوموړي افغانستان انټرنشنل – پښتو ته وویل، چې د سبزیو او میوو ګڼې لارۍ په ګرمۍ کې ولاړې دي او د خوسا کېدو له ګواښ سره مخ دي.

نوموړی زیاتوي، چې په تورخم کې ګڼ مسافر هم د لارې د خلاصون په تمه دي، مګر تر اوسه دروازه تړلې ده.
هغه زیاته کړه: “ دلته چې ناروغان او مسافر وګورې زړه به دې پرې وخوږيږي، دېخوا طالبان هم سم چلند نه کوي او هاخوا پاکستاني ملېشه خلک په کوتکونو وهي”.

د مومند په خبره، چې د پولې دواړو غاړو ته سلګونه مسافرین د لارې د خلاصون په تمه دي؛ مګر د پاکستان له اړخه لار بنده ده او هېچا ته د تګ راتګ اجازه نه ورکول کیږي.

دا لومړی ځل نه دی، چې د طالبانو او پاکستان تر منځ پر پولې جګړه رامنځته کیږي، له دې وړاندې د اګسټ پر پنځمه نېټه په تورخم کې د طالبانو او پاکستاني پوله ساتو ځواکونو تر منځ نښته رامنځته شوې وه، چې له امله یې دغه لار د څه مودې لپاره تړل شوې وه.

د ښاغلي زرداري په وینا؛ په افغانستان کې پاتې امریکايي وسلې پاکستان ته رسېدلي دي.

د سچ تلویزون د راپور له مخې؛ ښاغلي زرداري دا خبره د سې شنبې په ورځ (د وږي ۲۱مه) په سوکور ښار کې د وژل شوي پاکستاني خبریال جان محمد مهار له کور څخه د لیدنې پر مهال وکړه.

جان محمد مهر تېره میاشت د پاکستان په سوکور ښار کې د نامعلومو کسانو په ډزو ووژل شو.

د پاکستان د پیپلز ګوند مشر بلاول بوټو زرداري دا برید یو تروریستي برید ګڼلی او نن یې د دغه خبریال په کور کې د پاکستان پخوانیو حکومتي چارواکو ته وینا وکړه او پوښتنه یې وکړه چې ایا عمران خان او فیض حمید په دې پوهېږي چې وسله وال به پر پاکستان برید وکړي؟

د پاکستان د بهرنیو چارو پخواني وزیر اعتراف کړی، چې په دغه هېواد کې یو ځل بیا ترهګریز بریدونه مخ په زیاتېدو دي.

د اسلام اباد اوسېدونکي شکایت کوي، چې د یوې اونۍ په تېرېدو سره د تازه مېوو تر څنګ د رومي بانجانو، پیازو، الوګانو او نورو سبزیو بیې تر پخوا څو برابره لوړې شوي چې اخېستل یې د هر چا په وس نه‌ده پوره.

د اسلام اباد د بي اووه لس سیمې هټۍوال احمد وایي، چې دوی هم کله چې د تازه مېوو او سبزیو منډوۍ ته ځي؛ نو د دغو توکو بیې لوړې شوې او دوی اړ دي، چې په ګرانه یې وپيري او بیا یې په ګرانه وپلوري.

احمد زیاته کړه:«پخوا به یوه کېلو رومي بانجان موږ پر خلکو په اتیا کلدارو پلورل؛ خو نن هماغه یوه کېلو په ۲۰۰ او یا هم ۲۲۰ کلدارو پلورو، چې دا یو ستر تفاوت دی او دا رنګه د انګورو، خټکیو او شفتالوو بیې هم څو برابره لوړې شوې دي.»
د پاکستان په بېلابېلو بازارونو کې ورته حالت دی او ولسي خلک یې تر پوزې رسولي دي.

هغوی وایي، چې د دغو توکو د پېرلو توان نه‌لري.

وقار احمد هم چې د بي اووه لس سیمې اوسېدونکی دی د تازه میوو او سبزیو د بیو له لوړوالي شکایت کوي، هغه وایي:«زموږ حکومتي مشرانو ته په کار ده، چې سرحدي او نورې سیاسي ستونزې د خبرو له لارې حل کړي، د پولو په بندولو دغه ستونزې نه یوازې دا چې نه هواریږي، بلکې زور یې عام ولس ته رسیږي.»

د وقار په خبره د دغې لارې بندېدو د پولې دواړو غاړو ته ولسي خلک زیانمن کړي او دواړه غاړې باید ژر تر ژره په خپلو کې سره کیني او دغه ستونزې د خبرو له لارې هوارې کړي.

د تورخم د دروازې له تړل کېدو شپږ ورځې تېرې شوې، هغې غاړې ته که افغان سوداګرو ته زیانونه واوښتل؛ خو دې غاړې ته هم ولسي خلک له دغو زیانونو په امان کې پاتې نه شول.

د دې تر څنګ هغه ناروغان چې د درملنې لپاره د پاکستان بېلابېلو روغتونونو ته یې د راتګ تکل لاره، لا یې هم ټولې هېلې د همدغې دروازې له خلاصون سره غوټه شوي دي او په دې هیله شیبې شمېري، چې کله به د هغوی دغه د هېلو دروازه د هغوی پر مخ پرانېستل کېږي.

په اسلام اباد کې د ترهګرۍ ضد یوې محکمې نن دوشنبه (د وږي ۲۰مه) د پاکستان د ولسي جرګې پخوانی غړی او د پښتون ژغورنې غورځنګ مخکښ غړی علي وزیر ضمانت ومانه او نوموړی باید د اډیالې له زندان څخه نن خوشې شوی وی.

خو د پښتون ژغورنې د غورځنګ مشر منظور پښتین بیا څو شېبې وړاندې پر خپلې اېکس (ټویټر) پاڼې لیکلي، چې علي وزیر او ولس یار د ای ایس ای او د پاکستاني پوځ له خوا د زندان له دروازې تښتول شوي دي.

نوموړی زیاتوي:” محکمې ضمانت قبول کړی، له پولیسو سره بله عریضه هم نه شته، خو بیا هم ای ایس ای او پوځیان په شخصي جامو کې راغلي او دوی یې د زندان له دروازې تښتولي دي”.

د پښتین په خبره، چې پوځي او استخباراتي ادارې په پاکستان کې پر قوانینو او محاکمو "ملنډې" پیل کړي دي.

د پښتون ژغورنې غورځنګ مخکښ غړی علي وزير، د بشري حقونو فعاله ایمان مزاري او یو شمېر نور فعالان د اګسټ میاشتې په ۲۰مه نېټه د بغاوت په تور ونیول شول.