په تاجکستان کې د منځنۍ اسیا هېوادونو د ولسمشرانو دوه ورځینۍ غونډه جوړیږي

راپور زیاتوي، چې په دې غونډه کې به د ازبکستان، تاجکستان، قزاقستان، قرغزستان او ترکمنستان ولسمشران ګډون کوي او دا به د دغو هېوادونو تر منځ پنځمه مشورتي ناسته وي.

ویل کیږي، چې په دې غونډه کې به د دغو پنځو هېوادونو مشران د اقتصادي مسایلو سربېره د دغو هېوادونو تر منځ پر مشترکو همکاریو او د همکاریو په پیاوړتیا بحث وکړي.

د تاجکستان د ملي تلویزون د خبر پر بنسټ؛ د غونډې په اجنډا کې پر مشترکو مهمو امنیتي مسایلو او ورپېښو ګواښونو هم بحث هم موجود دی.

د یادونې وړ ده، چې د منځنۍ اسیا د ولسمشرانو تر منځ دا ډول مشورتي ناستې له دې وړاندې هم شوي دي.