داعش د جمعیت علمای اسلام پر صوبايي مشر د برید مسوولیت ومانه

داعش په خپل بیان کې وايي، چې د نوموړي په نښه کولو لپاره یې یوه باروتي یا چاودېدونکې وسیله کارولې ده.

پرون دغه باروت د حافظ حمدالله له ګاډي سره نږدې وچاودل چې له امله یې پر نوموړي سربېره لس کسان نور هم ژوبل شول.

داعش تېره میاشت د پښتونخوا په باجوړ کې د ملا فضل رحمان په مشرۍ د جمعیت علمای اسلام پر غونډه هم د برید مسوولیت ومانه.

په هغه پېښه کې تر ۵۰ کسان ووژل او تر ۱۵۰ ډېر ټپیان شول.