د پاکستان د پوځ عامه اړیکو دفتر وايي، د بلوچستان په مرکز کوټه کې د نښتې له امله یو پاکستانی افسر او درې وسلوال ووژل شول.
د پاکستان د پوځ عامه اړیکو دفتر د جمعې په ورځ یوه بیان کې ویلي ، په کوټه کې پرون دا برید په ولي باغ تنګي کې شوی دی.
پوځ وايي، په دې برید کې یو سرتېری سخت ټپي شوی هم دی.
له بلې خوا د بلوچستان له پنجګور ځینې راپورونه وايي، چې په دغه سیمه کې د پاکستاني پوځ پر مرکز وسلوالو برید کړی دی.
د پاکستان صوبايي او مرکزي حکومت په دې تړاو لا څه نه دي ویلي.