د هند مالیې وزیره نرمالا سیتارامن هیله منه ده چې سږ مالي کال به دغه هېواد ۱۰.۵ سلنه اقتصادي وده وکړي.
نوموړې د جمعې په ورځ له بزنس سټنډر ورځپانې سره مرکه کې ویلي: «زه باوری یم چې دې هدف ته به ورسېږو.»
د هند مالي کال د اپرېل پر اوله پیلېږي. د دغه هېواد ناخالص کورنی تولید په تېرو دوه نیمو کلونو کې بې ساری لوېدلی دی.
دې هندۍ چارواکېد جشني غوښتنې پوره کولو لپاره د سوداګرو لخوا د سپرلۍ ګاډو ذخیره کول د "اقتصاد لپاره ښه خوځښت اوفعالیت" وباله.
هند کې جشني یا فیسټیوالي موسم د سپټمبر په وروستیو کې پیلېږي.
د دې اونۍ په لومړیو کې د هند د ټرانسپورټ وزیر ویلي و چې پر ډېزلي ګاډو د اضافي لس سلنې مالیې وړاندیز کوي، خو وروسته له دې خبرې شا ته شو.
کله چې په دې تړاو سیتارامن وپوښتل شوه، نو ویې ویل چې اقتصادي وده د ډېزلي ګاډو تر مالیې لومړیتوب لري او زیاته یې کړه: «زه داسې اقتصاد څارمچې باید وده وکړي.»
نوموړې په یوه بله مرکه کې دا هم ویلي چې نږدې ۲۲ هېوادونه له هند سره پر روپۍ راکړه ور کړه ارزوي.
د هند مالیې وزیره په داسې حال ۱۰.۵ سلنه اقتصادي ودې ته هیله منه ده چې سږ کال دغه هېواد د چټکې اقتصادي ودې لومړۍ درجه سعودي ته پرېښوده او په دې برخه کې دویم مقام ته وغورځېد.
هند تېر کال ۷ سلنه اقتصادي وده درلوده، خو وړم کال دا وده ۸.۷ سلنه وه.