د افغانستان کرېکټ بورډ د لوبغاړو د غوراوي کمېټې د هانګز نوولسم پړاو اسیايي سیالیو لپاره د ګلبدین نایب په مشرۍ د افغان ابدالیانو لوبډلې نوملړ وټاکه.
د مهالوېش له مخې، دغه سیالۍ به د روانې سېپټمبر میاشتې په ۲۷مه نېټه پیل شي او د راتلونکې اکټوبر میاشتې تر اوومې نېټې پورې به د چین په هانګزو ښار کې ترسره شي.
په دغې لوبډله کې محمد شهزاد، کریم جنت، صدیق الله اتل، فرید احمد ملک، قیس احمد، افسر ځاځی، نورعلي ځدراڼ، زبید اکبري، شرف الدین اشرف، سید احمد شیرزاد او شاهدالله کمال ګډون لري.
په دغې لوبډله کې د دغو لوبغاړو ترڅنګ د افغانستان نولس کلنې کم عمره ملي لوبډلې توپوهونکی وفي الله ترهخېل هم شامل شوی دی.